ئۇيغۇر رايونىدا ئەيدىز ۋىروسى بىلەن يۇقۇملانغانلار كۆپەيمەكتە
2004.11.25
بۇ يىل يازدا، خىتاي ھۆكۈمىتى ئۇيغۇر رايونىدىكى ئەيدىز مەسىلىسى ھەققىدە بەرگەن مەلۇماتلىرىدا، بۇ يىل 7 - ئايغا قەدەر ئۇيغۇر رايونىدا تىزىمغا ئېلىنغان ئەيدىز ۋىروسى بىلەن يۇقۇملانغانلارنىڭ سانى 8773 دەپ ئېلان قىلغان ئىدى. 25 - نويابىر كۈنى بەرگەن مەلۇماتىدا بولسا، بۇ يىل 9 - ئايغا قەدەر، بۇ ساننىڭ 9346 غا كۆپەيگەنلىكىنى ھەمدە ئۇيغۇر رايونىنىڭ خىتاي بويىچە ئەيدىز مەسىلىسى ئەڭ ئېغىر رايون بولۇپ ھىساپلىنىدىغانلىقىنى ئاشكارىلىغان.
تىزىمدىكى ئەيدىز ۋىروسى بىلەن يۇقۇملانغانلارنىڭ بىر نەچچە ئاي ئىچىدىلا بۇ دەرىجىدە كۆپۈيىۋاتقانلىقى ئۇيغۇر رايونىدىكى ئەيدىز مەسىلىسىنىڭ ئىنتايىن ئېغىر ھالەتتە ئىكەنلىكىنى كۆرسىتىپ بېرىدۇ.
خىتاي ئاگېنتلىقىنىڭ بۇ قېتىم ئۈرۈمچىدىن بەرگەن مەلۇماتىدا يەنە ھازىر ئۇيغۇر رايونىدا ئەيدىز مەسىلىسى ئەڭ ئېغىر بولغان جايلار غۇلجا، ئۈرۈمچى ۋە ئاقسۇ بولۇپ ھېسابلىنىدىغانلىقى ئوتتۇرىغا قويۇلۇپ، مەزكۇر كېسەلنىڭ ئاساسەن زەھەرلىك چېكىملىكنى ئوكۇل قىلىپ قويۇش، جىنسى مۇناسىۋەت ۋە ھامىلدار ئانىدىن قوساقتىكى بالىغا يۇقۇش دىگەندەك سەۋەپلەردىن كېلىپ چىققانلىقى يەنە بىر قېتىم تەكىتلەنگەن.
ئامېرىكىنىڭ نيو-يورك شەھىرىدە تۇرۇشلۇق ئەيدىز تەتقىقاتچىسى دوكتور مۇھەممەت ئىمىن ئەپەندى زىيارىتىمىزنى قوبۇل قىلىپ، ئۆزىنىڭ مەزكۇر مەلۇماتنى ئاڭلىغاندىن كېيىنكى تەسىراتىنى ۋە بۇ ھەقتىكى كۆز قاراشلىرىنى سۆزلەپ ئۆتتى.
بۇنىڭ تەپسىلاتىنى يۇقىرىدىكى ئۇلىنىشتىن ئاڭلاڭ.
مۇناسىۋەتلىك ماقالىلار
- خىتاي ۋە ئۇيغۇر رايونىدىكى ئەيدىز يېتىملىرى ھەققىدە
- ئۇيغۇر رايونىدىكى ئاياللارنىڭ ئەيدىز كىسىلىگە گىرىپتار بولىشى ۋە ئۇنىڭ ئالدىنى ئېلىش ھەققىدە
- ئۇيغۇر رايونىدىكى ھامىلدار ئاياللار ۋە ئۇلاردىن تۇغۇلغان ئەيدىز بوۋاقلار
- دوكتور مۇھەممەت ئىمىن ئەپەندى بىلەن ئەيدىز ھەققىدە سۆھبەت
- ئۇيغۇر ئېلىدە ئەيدىزنىڭ كەڭ دائىرىدە تارقىلىشىغا ئەگىشىپ، ئەيدىز يىتىملىرىمۇ كۆپەيمەكتە
كۆپ كۆرۈلگەن خەۋەرلەر
RFA
- تۈركىيە سوتى تۇنجى قېتىم، ئەركىن ئابدۇۋەلى ئىسىملىك ئۇيغۇرنى خىتايغا قايتۇرۇپ بېرىش قارارىنى ئېلان قىلدى
- مەمەت ئېزىز سادىق تۈركىيە سوتىدا خىتاي ئۈچۈن جاسۇسلۇق قىلىش جىنايىتى بىلەن ئەيىبلىنىپ 12 يىللىق قاماققا ھۆكۈم قىلىنغان
- ئەركىن ئاسىيا رادىيوسىنىڭ مەشغۇلاتى فېدېراتسىيە مەبلىغىنىڭ كېسىلىشى بىلەن توختىشى مۇمكىن
- قەشقەر پەيزىۋاتتا ئاھالىلەر روزا تۇتمايۋاتقانلىقى ھەققىدە مەسئۇل كادىرلارغا ئىسپات يوللاشقا مەجبۇرلانغان
- ياۋروپا پارلامېنتى تايلاندنىڭ ئۇيغۇرلارنى خىتايغا قايتۇرغانلىقىغا قارشى قارار لايىھەسى ماقۇللىدى