Uyghur rayonida eydiz wirosi bilen yuqumlan'ghanlar köpeymekte


2004-11-25
Share

Bu yil yazda, xitay hökümiti Uyghur rayonidiki eydiz mesilisi heqqide bergen melumatlirida, bu yil 7 - aygha qeder Uyghur rayonida tizimgha élin'ghan eydiz wirosi bilen yuqumlan'ghanlarning sani 8773 dep élan qilghan idi. 25 - Noyabir küni bergen melumatida bolsa, bu yil 9 - aygha qeder, bu sanning 9346 gha köpeygenlikini hemde Uyghur rayonining xitay boyiche eydiz mesilisi eng éghir rayon bolup hisaplinidighanliqini ashkarilighan.

Tizimdiki eydiz wirosi bilen yuqumlan'ghanlarning bir nechche ay ichidila bu derijide köpüyiwatqanliqi Uyghur rayonidiki eydiz mesilisining intayin éghir halette ikenlikini körsitip béridu.

Xitay agéntliqining bu qétim ürümchidin bergen melumatida yene hazir Uyghur rayonida eydiz mesilisi eng éghir bolghan jaylar ghulja, ürümchi we aqsu bolup hésablinidighanliqi otturigha qoyulup, mezkur késelning asasen zeherlik chékimlikni okul qilip qoyush, jinsi munasiwet we hamildar anidin qosaqtiki baligha yuqush digendek seweplerdin kélip chiqqanliqi yene bir qétim tekitlen'gen.

Amérikining nyo-york shehiride turushluq eydiz tetqiqatchisi doktor muhemmet imin ependi ziyaritimizni qobul qilip, özining mezkur melumatni anglighandin kéyinki tesiratini we bu heqtiki köz qarashlirini sözlep ötti.

Buning tepsilatini yuqiridiki ulinishtin anglang.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet