Уйғур елидә әйдиз күнсири ямримақта (1)
2004.11.29
1 - Дикабир хәлқара әйдиз күниниң йеқинлишишиға әгишип, пүтүн дуняда әйдиз доклатлири вә инсанларниң әйдиз тәтқиқати нәтиҗилири елан қилинмақта.
Хитайдики әйдиз тарқилиши әң тез боливатқан уйғур елиниң һөкүмәт ахбаратлирида бериливатқан әйдизгә даир хәвәрләргә қарисақ, хитай һөкүмитиниң уйғур елидә әйдиз тәшвиқатни күчәйтиватқанлиқи вә әйдизгә даир һәр хил темилардики тәшвиқатларниң нәтиҗилик боливатқанлиқи һәққидики хәвәрләр көп бериливатқан болсиму, әмма уйғур елидики әйдизләр үчүн яки хәлқниң әйдиздин мудапиәлиниши үчүн әмәлий бир тиббий орган қурулғанлиқи яки муһим бир тәдбир елинғанлиқи һәққидә хәвәр көрәлмәймиз.
Уйғур елидә әйдизниң ямриши барғанчә еғирлашмақта
Нөвәттә уйғур елидә мәлум болған әйдиз билән юқумланғучилар сани 9346 ға йәткән болуп, әмәлий санниң буниңдин хелила көплики пәрәз қилинмақта. Әмма игилишимизгә қариғанда уйғур елиниң әйдизләр сани әң көп болған үрүмчи ғулҗа қатарлиқ шәһәрләрниң һечқайсисида әйдиз давалаш яки тәкшүрүш орнидин бириму қурулмиған.
Әйдиз очиқи саниливатқан уйғур елидә бирму әйдиз давалаш орни йоқ
Уйғур елидики әйдиз кесәлликлиридин мәсләһәт сораш орнидики бир хадим нөвәттә уйғур елидә әйдиздин мудапиәлиниш тәдбириниң пәқәт әйдиз тәшвиқати икәнликини ейтти. Униң дәп беришигә қариғанда, уйғур елидики һәр қайси дохтурханиларда әйдизләрни тәкшүрәлисиму әмма әйдизләр үчүн айрим бөлүмләр тәсис қилинмиған икән.
Йүзәки сан
Уйғур елидики мәлум сәһийә оргинидики бир хадим нөвәттә уйғур елидики әйдиз билән юқумланғанлар саниниң пәқәт йүзәки бир тәкшүрүш арқилиқ чиқирилған сан икәнликини, бәлким уйғур елиниң җәнуби районлиридиму тәкшүрсә у җайдиму әйдизләрниң мәлум болиши мумкинликини ейтип мундақ деди:
Хитай һөкүмити тәшвиқат биланла әйдизниң тарқилишини тосуп қалалмамду?
Хәвәрләрдин уйғур елиниң әйдиз тез тарқиливатқан районларниң биригә айлиниши билән, хитай вә хәлқарадики әйдиз тәтқиқат ярдәм орунлириму уйғур елигә әйдиз темиси бойичә мәхсус ярдәм соммилирини аҗритип келиватқанлиқи мәлум. Әмма бу әйдиз соммиси уйғур елидә пәқәт әйдиздин мудапиәлиниш тәшвиқатлири үчүнла ишлитилмәктә.
Гәрчә хитай һөкүмитиниң бу тәшвиқатлириниң уйғур елидики хәлқниң әйдиз билимлири һәққидә саватқа игә болишида һәмдә әйдиз вәзийитиниң кәскинликини чүшүнүп йетишидә мәлум рол ойнисиму, әмма хәлқни уйғур елидә күнсайин ямраватқан әйдизниң юқумлнишидин тосап қалаламду?. Бу һәқтики мәзмунларни әтики программимиздин аңлиғайсиләр.(Гүлчеһрә)
Әйдиз кесили һәққидики мақалилар
- Уйғур елидә әйдиз күнсири ямримақта (2)
- Германийә хитайниң ғәрбий районлирида әйдиз виросидин мудапиәлиниш ишлириға ярдәм қилди
- Уйғур елидә әйдиз вироси билән юқумланғанларниң сани тез ашмақта
- Бирләшкән дөләтләр тәшкилати, аялларниң әйдиз кесилигә гириптар болуш мәсилисигә көңүл бөлмәктә
- Австралийә уйғур елидә әйдиз кесилиниң алдини елиш хизмити елип бармақчи
- Уйғур районидики ғулҗа қатарлиқ шәһәрләрдә еғирлишиватқан зәһәрлик чекимлик вә әйдиз мәсилиси
- Уйғур елидики әйдиз кесили вә зәһәрлик чекимлик
- Уйғур районида әйдиз вироси билән юқумланғанлар көпәймәктә
- Хитай вә уйғур районидики әйдиз йетимлири һәққидә
- Уйғур районидики аялларниң әйдиз кисилигә гириптар болиши вә униң алдини елиш һәққидә
- Уйғур районидики һамилдар аяллар вә улардин туғулған әйдиз бовақлар
- Доктор муһәммәт имин әпәнди билән әйдиз һәққидә сөһбәт
- Уйғур елидә әйдизниң кәң даиридә тарқилишиға әгишип, әйдиз йитимлириму көпәймәктә
- Хитай һөкүмити мәктәпләргә әйдизниң алдини елиш дәрисликини киргүзидиғанлиқини елан қилди