0:00 / 0:00
خىتاي ئاگېنتلىقى تەرىپىدىن بېرىلگەن خەۋەرلەردە كۆرسىتىلىشىچە، ھازىر خىتايدا بۇلغانغان سۇنى ئىستىمال قىلىدىغانلارنىڭ سانى 300 مىليوندىن ئاشقان بولۇپ، بۇلارنىڭ ئارىسىدا 200 مىليونغا يېقىنى يېزا ئاھالىلىرى ئىكەن. خەۋەردە يەنە، ئۇيغۇر ئېلىدە دېزىنفىكسىيە قىلىنمىغان سۇنى ئىستىمال قىلىپ كېلىۋاتقان كىشىلەر سانىنىڭ 5 مىليونغا يەتكەنلىكى تىلغا ئېلىنغان بولۇپ، بۇلارنىڭ كۆپ ساندىكىسى يەنىلا دېھقانلار ئىكەن.
ئۇيغۇر ئېلىدىكى دېھقانلار دۇچ كېلىۋاتقان ئىچىملىك سۇ مەسىلىسىنى تەپسىلى بىلىش ئۈچۈن، بىز قەشقەر، خوتەن ۋە ئاقسۇ قاتارلىق جايلاردىكى دېھقانلارغا تېلېفون ئاچتۇق.