Xitay 2030 - yili su ishlitish xetirige duch kélidiken


2005-04-21
Share

Xitay hökümet metbu'atliridin biri hésablan'ghan "junggo géziti" ning charshenbe künidiki xewiride éytilishiche, dunya su teshkilatining xitay ishlirigha mes'ul xadimi mundaq dégen: "ötken 20 yildin buyan xitay iqtisadining téz sür'et bilen tereqqi qilishi netijiside ,muhitning bulghinish ehwalimu kündin - kün'ge nacharliship, xitayning eslidila cheklik bolghan su menbesige éghir ziyan élip keldi".

Kelgüsidiki éghir su kemliki

Nöwette, xitay su énérgiyisining 70 ٪ i déhqanchiliq yeni étiz - ériq sughirish ishliri üchün ishlitilse, 10 ٪ i muhitni yaxshilash xizmiti üchün, 20 ٪ i sheher we sana'et tereqqiyati üchün ishlitilidiken.

Biraq "jonggo géziti" ning xewiride körsitilishiche, 25 yildin kéyin, xitay ahalisi 16 milyardqa yétip, sheher bilen sana'et üchün ishlitilidighan su miqdari alahide köpéyidiken. U chaghda peqet 50 ٪ su déhqanchiliq üchün ishlitilidiken. Mutexessisler buning , ashliq ishlepchiqirishigha éghir derijide tesir körsitidighanliqidin endishe hés qiliwatqanliqini alahide tekitligen.

Amérikining paytexti washin'gtonda tesis qilin'ghan yer shari siyasitini tetqiq qilish orginining mudiri birand ependi "hazir sheher bilen sana'et üchün ishlitilidighan su barghanséri éship bériwatidu, buning bilen 2030 - yiligha kelgende déhqanchiliq üchün ishlitildighan su miqtari zor derijide kémiyishi mumkin, bu ashliqqa kapaletlik qilish mesilisi üchün éghir tehdit élip kélidu" dédi.

Yer shari su teshkilati xadimining éytishiche, xitay hökümiti derhal su menbesige qarita uniwérsal bashqurush élip bérishi kérek shundaqla sheher we yézilardiki su istimal mesilisi bilen tebi'iy ékologiye tengpunglighini yaxshi tengshishi kérek.

Brand ependimu mezkur teshkilatning chaqiriqigha qoshulup, " uniwérsal bashqurush usulini qollan'ghanda, sheherlerdiki kéreksiz sularni yaxshi bir terep qilip, uni yene qaytidin sughurush ishlirigha ishlitishke bolidu yaki bolmisa bir musteqil organ qurush arqiliq su menbesini bashqurup, her qaysi jaylarning su ishlitish éhtiyajini yaxshi orunlashturush kérek, mushundaq qilghandila su menbesidin toluq paydilan'ghili bolidu" dédi.

Künsayin éshiwatqan su éhtiyaji

Xitay ijtima'iy penler akadémiyisining pexri proféssori brand ependi, xitayning muhit mesilisi üstide uzun yil tetqiqat élip barghan bolup, u hetta xitaygha su bahasini yuqiri kötürüsh teklibini bergen. Uning éytishiche, xelqining iqtisadiy kirimining éshishigha egiship, igiz imaretlerge köchüp kiriwatqan ahalilerning sanimu künsayin köpeymekte iken. Bu kishiler sugha bolghan éhtiyajni téximu ashuridighanliqi üchün , suning bahasini östürgende suning heqiqiy qimmitini eks ettürgili bolidiken.

Mutexessislerning xitaydiki 500 din köp derya - éqinlar üstide élip barghan tekshürüshlirige asaslan'ghanda, 2000 - yili ichidila bu deryalar arisidiki 60 deryaning süyi qurup ketken. Shundaqla ular tekshürüsh élip bériwatqan herqaysi köllerning su yüzi orni barghanséri töwenlimekte iken.

Buningdin sirt yene, tekshürüsh élip bérilghan 1100 su menbesining texminen 25 ٪ i ichimlik su ölchimige yetmigen. Xitayda az dégende 36 milyondin artuq déhqan ahalisi ölchemge toshmighan su istimal qilidiken. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet