Béyjingdiki erzdar abduréhim mollek özini tutqili kelgen meydan bashliqi bilen uchrashti

Béyjingdiki erzdar abduréhim mollekni tutup ekitish üchün, aqsudin béyjinggha yolgha chiqqan ikki guruppa kishi aldinqi küni béyjinggha yétip kelgen. Bular bügün béyjingda erzdarlar topliship yashawatqan jaygha bérip, abduréhim mollek we uning oghli bilen uchrashqan we erzdar abduréhim mollekni yurtigha qaytishqa dewet qilghan. Abduréhim aka ularning qayturup ekitish telipini qet'iy ret qilghan.
Muxbirimiz shohret hoshur
2010.08.18
Boway-mollam-ghemde-305 Sürette, melum uyghur bowaylar.Ghemge chömgen bowaylar.
RFA Photo
u0818-pmx
Anglash Awazni köchürüsh

Erzdar abduréhim mollekni ekitish üchün, aqsudin béyjinggha jem'iy 6 kishi kelgen. Bulardin 2 nepiri bügün, béyjingdiki erzdarlar topliship turuwatqan jaygha bérip, abduréhim aka we uning oghli bilen körüshken.

Melum bolushiche, nöwette hökümet terep abduréhim akigha yumshaq pozitsiye tutmaqta. Emma abduréhim aka ularning bu yumshaq pozitsiyisining waqitliq bir chare ikenlikini, bir qanche kündin kéyin mu'amilisini ushtumtut özgertip, mejburiy élip méngishqa heriket qilidighanliqini texmin qilmaqta.

Biz abduréhim aka bilen körüshken yashlar meydanining erziyet xadimi abdulladin bügünki uchrishish heqqide melumat igiliduq.

Bu qétim béyjinggha kelgenler arisida yashlar meydanining mu'awin bashliqi rozi memtiminmu bar bolup, u abduréhim aka qaytip ketse, uning erzini toghra bir terep qilidighanliqini bildürmekte.

Yuqiridiki awaz ulinishidin, abduréhim aka bilen hökümet kadirlirining uchrishishi heqqidiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.