Obulqasim ependi: wedimiz emelge ashti

"Yawropa sherqiy türkistan ma'arip jem'iyiti" ning mes'uli obulqasim ependi "Bultur ramzanda bergen gollandiyidiki Uyghurlargha téximu yaxshi xizmet qilish üchün öz-özimizge musteqil bolghan, türlük éhtiyajlirimizni qamdiyalaydighan muqim bir orun hazirlashtin ibaret wedimizni axiri emelge ashurduq" dédi.
Ixtiyariy muxbirimiz pida'iy
2012-12-18
Share
maarip-jemiyiti-reisi-obul-qasim-305.jpg "Yawropa sherqiy türkistan ma'arip jem'iyiti" ning mes'uli obulqasim ependi. 2012-Yili dékabir, gollandiye.
RFA/Pidaiy

Bultur ramzan tünekliridin biride jem bolghan gollandiyidiki teqwadar Uyghurlar türlük pa'aliyet we ibadetlirige munasip musteqil bir orun'gha bolghan teqezzaliri bilen gollandiyidiki diniy pa'aliyetlerge yétekchilik qilip kéliwatqan "Yawropa sherqiy türkistan ma'arip jem'iyiti" ge muraji'et qilghan idi.

Gollandiyidiki Uyghurlarning sanining azliqi, olturaqlirining tarqaqliqi we iqtisadi menbelirining yétersiz hem üzüklikge qarimay, qérindashlirining küchlük teleplirige asasen bu wezipini üstige alghan "Yawropa sherqiy türkistan ma'arip jem'iyiti" ezaliri bir yildin biri izdinip tirishchanliq körsitish netijiside axiri 5 yilliq toxtam bilen bir yer hazirlighan bolup, aldimizdiki yildin bashlap resmiy sistémiliq xizmet bashlaydiken.

"Yawropa sherqiy türkistan ma'arip jem'iyiti" ning mes'uli obulqasim ependi yer mesilisi heqqide izahat bermekte. 2012-Yili dékabir, gollandiye.
RFA/Pidaiy

Ziyaritimizni qobul qilghan mezkur jem'iyetning re'isi obulqasim ependining bildürüshiche: bu yer barliq wetendashlarning öz-ara uchrishishi, diniy we milliy jehetlerde telim-terbiye qanat yaydurushi, siyasiy we ijtima'iy pa'aliyetlerni janlandurushi, jüme we ikki héyt namazlirini birlikte oquyalishi, perzentlirini terbiyilishi üchün qulayliq bolghan uniwérsalliqqa ige bir yer iken.

Igilishimizche mezkur orun gollandiyining yiraq-yéqinliridiki barliq wetendashlargha qulayliq bolsun üchün, jughrapiyilik jehette gollandiyining otturisigha jaylashqan ütréxt wélayitige muqimlashturulghan. Yilliq chiqimi az dégende 20000 yéwrodin ashidiken.

Tepsilatini yuqiridiki awaz ulinishidin anglighaysizler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet