Xitay hökümiti "on sekkiz neper térrorchi étip tashlandi" dégen künlerning aldi-keynide Uyghurlargha qilghan bésimlar heqqide inkas


2007-01-16
Share

Xitay hökümitining shinjang jama'et xewpsizlik nazariti 1 ‏- ayning 5 ‏- küni "pamér taghlirida 18 neper térrorchi étip tashlandi, 17 nepiri qolgha élindi, qalghanliri qéchip ketti, hazir qoghlap tutush bashlandi" dep élan qilghandin kéyin, radi'omizning heqsiz léniyisige Uyghur yurtliridin téléfon qilghan Uyghurlar ehwal inkas qildi. Ismini ashkarilashni xalimighan bir Uyghurning bayan qilishiche, jama'et xewpsizlik nazariti "on sekkiz neper térrorchi étip tashlandi" dep élan qilghandin kéyin, 10 ‏- yanwar küni "qanunchiliq géziti" tepsiliy resimlik xewer élan qilghan, bu kishi özi uningda saqtiliq barliqini, resimdiki körünüshlerning xitay burun qazaqistan we bashqa döletler bilen birliship herbiy maniwér ötküzgendiki körünüshler ikenlikini, bu ishlar heqqide xelq ichide "arilashturup toqup chiqqan" dégen guman peyda bolghanliqini bayan qildi.

Xitayning shinjang jama'et xewpsizlik nazariti "on sekkiz neper térrorchi étip tashlandi" dep élan qilghandin kéyin, Uyghur yurtlirida xewer -uchurlargha , intérnét torlirigha tosqunluq qilip, "xu'ang changdin öginish" herikiti uyushturup Uyghur xelqning pikir bayan qilish erkinlikini chekleshni téximu kücheytken.

Xitayning shinjang jama'et xewpsizlik nazariti "on sekkiz neper térrorchi étip tashlandi" dep élan qilghandin kéyin, xitay hökümiti "mensipi östürülidu" dégen nam bilen kadir teshkillep Uyghur yurtlirigha ewetishke bashlighan. Radi'omizning heqsiz téléfon liniyisige téléfon qilghan bu Uyghur 5000 neper kadirning yézilargha chüshürülidighanliqini anglighan.

Xitayning shinjang jama'et xewpsizlik nazariti "on sekkiz neper térrorchi étip tashlandi" dep élan qilghandin kéyin, sheherlerde xitay herbiy qi'ismlirining charlash -heywe körsitish heriketliri köpeygen. Burun 5-6 neper saqchi bir sep bolup kochilarda méngip yürgen bolsa, hazir pewqul'adde qisim eskerliri kochilarda heywe körsitip mangidiken.

Xitayning shinjang jama'et xewpsizlik nazariti "on sekkiz neper térrorchi étip tashlandi" dep élan qilghandin kéyin, xitay hökümiti meschitler heqqide yéngi cheklime chiqarghan. Meschitlerning iskilatlirini taqashni, yéngidin sélinidighan meschitlerning gümbizini chiqirip üstige hilal ay belgisi ornatmasliqni, meschittiki her qandaq pa'aliyetni wetenperwer imamlarning yéteklichilikide élip bérish lazimliqini belgiligen.

Xitayning shinjang jama'et xewpsizlik nazariti "on sekkiz neper térrorchi étip tashlandi" dep élan qilghan künlerning aldi -keynide, radi'omizning heqsiz téléfon liniyisi arqiliq téléfon qilghan bu Uyghurning bayan qilishiche, xitay hökümiti ghuljida "partlash weqesi yüz berdi" dep élan qilip, shu arqiliq héyt mezgilide Uyghurlar arisida jiddiylik peyda qilghan.

Xitayning shinjang jama'et xewpsizlik nazariti "on sekkiz neper térrorchi étip tashlandi" dep élan qilghandin kéyin, radi'omizning heqsiz téléfon liniyisi arqiliq téléfon qilghan bu Uyghur xitay emeldarlirining Uyghur milliy herikitining yétekchisi rabiye xanimgha til tekküzgenlikige bolghan naraziliqini ipadilidi, mezkur Uyghur özi rabiye xanimni "rabiye animiz" dep atidi. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet