Qazaqistan london olimpik oyunlirida yette altun médalgha érishti

Melumatlargha qarighanda, 12-awghust küni londonda 30-olimpik oyunlirining tentenilik yépilish murasimi bolup ötken.
Ixtiyariy muxbirimiz oyghan
2012-08-14
Share
olimpik-yepilish-2012-london-305.jpg Londonda ötküzülgen olimpik musabiqisining yépilish murasimidin körünüsh. 2012-Yili 12-awghust, london.
AFP

27-Iyulda bashlinip 16 kün'ge sozulghan mezkur oyunlargha 205 olimpik komanda qatnashqan bolup,ular 39 xil tenheriket türi boyiche küch sinashqan idi. Olimpik oyunlirining yeküni boyiche birinchi orunni amérika qoshma shtatlirining tenheriketchiliri 46 altun, 29 kümüsh we 29 bronza médali bilen igiliwaldi. Ikkinchi orun'gha 38 altun, 27 kümüsh we 22 bronza médali bilen xitay, emdi üchinchi orun'gha 29 altun, 16 kümüsh we 19 bronza médali bilen büyük britaniye érishti.

Qazaqistan tenheriketchiliri bu qétimda 20 eng küchlük olimpik komanda terkibidin orun aldi. Qazaqistan memlikiti hem shexsen dölet prézidénti nursultan nazarbayéf, shundaqla pütkül qazaqistanliqlar qazaqistan olimpik komandisining utuqlirini yuqiri bahalidi.

Qazaqistan milliy olimpik komitéti torida élan qilin'ghan "Qazaqistanliq olimpikchilar 2012-oyunlarda omumiy hésabta 12-orunni igilidi" namliq maqalide éytilishiche, memliket tenheriketchiliri 13 médalni yéngiwalghan bolup, uning ichide aléksandir winokurof wélosipéd musabiqisi, zulfiye chin shenlo, mayya manéza, swétlana podobédowa, iliya ili'in éghir atlétika, olga ripakowa yénik atlétika we sérk sapiyéf boks boyiche altun médalgha érishken. Emdi kümüsh médalgha bokschi adilbék niyazimbétof, bronza médaligha bokschilar marina wolnowa we iwan dichko, grék-rim chélishishi boyiche daniyal ghadzhiyéf, erkin chélishish boyiche aqzhjurék tanatarof, chélishish boyiche güzel manyurowalar mukapatlandi.

Mezkur maqalide 2012-yil london olimpik oyunlirining musteqil qazaqistan hayatidiki untulmas tarixiy weqe bolghanliqi, omumiy médallar sani boyiche qazaqistan ötkenki béyjing olimpik oyunliridimu shundaq körsetküchni namayish qilghan bolsa, bu qétimda deslepki qétim alemning eng küchlük memliketliri qatarigha kirgenliki otturigha qoyulghan.

Melumki, qazaqistanda boks oxshash tenheriket türige chong ehmiyet bérilmekte. Shuning üchünmu qazaqistanliqlar her bir olimpik oyunida bokschilardin köprek ümid kütidu. Bügünki qazaqistan bokschilirining ichide sérk sapiyéf ene shularning biri bolup, u 69 kilogramghiche bolghan salmaqta birinchilikni utuwaldi hem london olimpik oyunlirining yaxshi oyunchisi atilip, wél barkér mukapatigha muyesser boldi. Buningdin ilgiri bu mukapat bilen qazaqistanliq bokschilar wasiliy zhirof we bextiyar artayéflar teqdirlen'gen idi.

"Anyus. Kz" tor gézitide bésilghan "Birmu olimpik oyuni qazaqistanliq bokschilarning altunisiz ötmeydu" dégen maqalide wasiliy zhirof, érmaxan ibrayimof, békzat sattarxanof, bextiyar artayéf, baxit sarsékbayéf qatarliq bokschilarning qazaqistan shenini qoghdighan eng yarqin tenheriketchilerdin ikenliki alahide tekitlen'gen.

Igilishimizche, qazaqistan prézidénti n. Nazarbayéf altun médalgha érishken tenheriketchilerning her qaysigha xet yollap, ularni bu ghalibiyet bilen semimiy tebrikligen.

Bokschi s.Sapiyéfqa yazghan xétide mundaq déyilgen: "Londondiki 30-yazliq olimpik oyunlirida boks boyiche musabiqilerde altun médalgha érishkenliking bilen tebrikleymen! sen öz ghalibiyiting bilen wetendashliringgha chong xushalliq élip kelding hem ulargha memlikitimiz üchün semimiy ghurur sézimlirini béghishliding. Mundaq yarqin ghalibiyetler yash qazaqistanliqlar üchün sözde emes, belki emeliyette, tenheriket choqqilirigha yolning da'im kündilik we pidakarane emgek arqiliq yatidighanliqini delilleydighan yaxshi ülge bolidu. Mustehkem salametlik, bext, shundaqla barliq ishlarda muweppeqiyetler tileymen."

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet