شەرقىي تۈركىستان مائارىپ ۋە ھەمكارلىق جەمئىيىتى ئايلىق سۆھبەت يىغىنى ئۆتكۈزدى

شەرقىي تۈركىستان مائارىپ ۋە ھەمكارلىق جەمئىيىتىنىڭ ئەزالىرى ھەر ئاينىڭ بېشىدا بىر قېتىم يىغىلىپ سۆھبەت ۋە ئۇچرىشىش يىغىنى ئۇيۇشتۇرۇش پائالىيىتى داۋام قىلىپ كەلمەكتە. بۇ مۇناسىۋەت بىلەن 2012-يىلى 3-ئاينىڭ 4‏-كۈنى جەمئىيەتنىڭ مەركىزىدە 3-ئايلىق ئۇچرىشىش يىغىنى ئۆتكۈزۈلدى.

يىغىنغا ئىستانبۇلدا ياشاۋاتقان ئۇيغۇرلاردىن كۆپ ساندا كىشى قاتناشتى. يىغىنغا دوكتور ئالىمجان ئاتاۋۇللا رىياسەتچىلىك قىلدى. يىغىندا جەمئىيەتنىڭ تەپتىش ھەيئىتى مەسئۇلى ئابدۇلھەكىمخان مەخسۇم ۋە جامائەت ئەربابلىرىدىن بىرى ئابدۇلئەزىز ئەپەندى قاتارلىقلار سۆز قىلىپ ئۆزلىرىنىڭ قاغىلىق ۋەقەسى ھەققىدىكى قاراشلىرىنى بايان قىلدى.