Qazaqistanda zhurnalistlar küni nishanlandi
2012.06.28
28-Iyun küni qazaqistanda zhurnalistika küni atap ötüldi. Zhurnalistika sahesi qazaqistan Uyghurliri hayatidimu muhim orunni igileydu. Mezkur sahe boyiche Uyghur mutexessislirini teyyarlash ötkenki esirning 80-yillirining axirlirida mexsus qolgha élindi. Bu mesile gézit, radi'o we téléwiziyide mutexessislerning yétishmesliki bilen zich munasiwetlik bolup, Uyghur ziyaliylirining ötünüshi we teshebbusi, hökümetning qollap-quwwetlishi we meblegh ajritishi bilen almatadiki aliy oqush orunlirining biri, hazirqi elfarabi namidiki qazaq milliy uniwérsitétining zhurnalistika fakultéti yénida Uyghur bölümi échilghan idi. Uning uchumkarliri hazir qazaqistan zhurnalistliri qataridin orun élip, özlirige artilghan mejburiyetlerni munasip halda orunlimaqta.
Radi'omiz ziyaritini qobul qilghan tilshunas alim, filologiye penlirining namzati öktebir aka jamaldinof bu heqte öz qarashlirini bildürdi.