Uyghur aptonom rayonida Uyghur tili asasidiki "qosh tilliq ma'arip" qarshi élinidu


2007-03-27
Share

Radi'omizning heqsiz téléfon léniyisi Uyghurlarning nöwettiki weziyet heqqide we özi qiziqiwatqan témilar üstide özining mulahizilirini otturigha qoyidighan yaxshi purset. Yéqinda melum bir Uyghur téléfon qilip, xitay hökümitining hazir Uyghurlargha qarita yürgüzüwatqan "qosh tilliq ma'arip" dep atalghan siyasiti heqqide özining köz qarishini otturigha qoydi. Bu erbab hazir Uyghur aptonom rayonida yolgha qoyiliwatqan "qosh tilliq ma'arip" dégen siyasetni normal halettiki qosh tilliq ma'arip emes, belki pilanliq halda Uyghur tilini yoq qilishni meqset qilghan ma'arip siyasiti, dep hés qilghan. Awaz

Hazir Uyghur tilini tereqqi qildurushqa shara'it yoq

Radi'omizning heqsiz téléfon léniyisi arqiliq xitayning hazirqi "qosh tilliq ma'arip" siyasiti heqqide özining köz qarishini bayan qilghan bu erbab Uyghur aptonom rayonidiki hazirqi til muhitini obrazliq teswirlidi. Bu erbab mekteplerde yighin échilsa, 100 ademning ichide bir nechche xitay bolsila, u yighin Uyghurche emes, xitayche échilidighanliqini, aptonom rayon re'isimu Uyghurlargha yighin achsa xitayche sözleydighanliqini, bezi a'ililer hazir Uyghur tilinimu, xitay tilinimu her ikkisini chala sözleydighan bolup qalghanliqini bayan qilish arqiliq, Uyghur aptonom rayonida "qosh tilliq" dégen shu'ar astida Uyghur tilini tereqqi qilduridighan shara'it yoq qilin'ghanliqigha qarita özining naraziliqini ipadilidi.

Lékin Uyghur tili hergiz yoqalmaydu

Radi'omizning heqsiz téléfon léniyisi arqiliq xitayning hazirqi "qosh tilliq ma'arip" siyasiti heqqide özining köz qarishini bayan qilghan bu erbabning éytishiche, Uyghur aptonom rayonida hazirqidek ehwal dawam qiliwerse, kelgüside xuddi ottura asiyada özining tilida sözliyelmeydighan kishiler peyda bolghan'gha oxshash, Uyghurlar arisidimu Uyghurche sözliyelmeydighan kishiler peyda bolushi mumkin, lékin Uyghur tili hergiz yoqalmaydu, Uyghurlarning köpinchisi yézilarda bolghanliqi bu bir muhim amil.

"Öz ana tilingizda sözleng"

Radi'omizning heqsiz téléfon léniyisi arqiliq xitayning hazirqi "qosh tilliq ma'arip" siyasiti heqqide özining köz qarishini bayan qilghan bu erbabning éytishiche, jem'iyette hazir kishiler xosh bolidighan ishlarmu yoq emes. Bu erbab bayanida, bezi shirketlerde "öz ana tilingizda sözleng" dep yézilghan taxtilar ésip qoyulghanliqigha, Uyghurlar arisidimu öz ana tilida sözleshni, öz ana tilini untup qalmasliqni tekitleydighan kishiler köpiyip qalghanliqigha nahayiti xosh bolghanliqini ipadilidi. U yéqinda, qazaqstan wekilliri kelgende Uyghur aptonom rayon re'isining Uyghurche sözligenlikigimu süyinip ketken. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet