ئۇيغۇرلار قازاقىستاننىڭ يۈكسىلىشىگە تۆھپە قوشماقتا

قازاقىستان پرېزىدېنتى نۇرسۇلتان نازاربايېفنىڭ يېقىندا مەملىكەت خەلقىگە يوللىغان يىللىق خېتىدە، قازاقىستاننىڭ ئالدىنقى قاتاردىكى ئەللىك دۆلەت سېپىدىن ئورۇن ئالغانلىقى تەكىتلەنگەن ئىدى.
ئىختىيارىي مۇخبىرىمىز ئويغان
2012-12-31
Share
Qelemkeshler-rabik-ismail-305.jpg رابىك ئىسمائىل ئەپەندى ئۇيغۇر قەلەمكەشلەر رەئىسى قەيسەر بىلەن ۋېنگرىيە قەلەمكەشلەر رەئىسى يۇنۇس ئەپەندىلەرگە تون ۋە دوپپا كىيدۈردى. 2011-يىلى 23-فېۋرال.
RFA/Errem

قازاقىستاننىڭ قولغا كەلتۈرگەن بۇ ئۇتۇقلىرىدا ئۇيغۇرلارنىڭمۇ تۆھپىسى باردۇر. بۇ يىلنىڭ يەنە بىر ئالاھىدىلىكى شۇكى، ن.نازاربايېف مۇستەقىللىق كۈنى مۇناسىۋىتى بىلەن مەملىكەتنىڭ ئىجتىمائىي، سىياسىي ۋە مەدەنىي تەرەققىياتىغا مۇناسىپ تۆھپە قوشقانلىقى ئۈچۈن بىر قاتار قازاقىستانلىقلارنى مۇكاپاتلاش توغرىلىق پەرمان چىقاردى. ئۇلارنىڭ ئىچىدە، ئەلۋەتتە، ئۇيغۇرلارمۇ بار. ئاتاپ ئېيتقاندا، «ئۇنىۋېرسال» ھەسسىدارلىق شىركىتىنىڭ مۇدىرى زاكىرجان قوزىيېف «ئۈلگىلىك ئەمگىكى ئۈچۈن» مېدالىغا، سەنئەتكار دىلناز ئەخمەدىيېۋا بولسا، «قازاقىستاننىڭ ئەمگەك سىڭدۈرگەن ئەربابى» ئاتىقىغا سازاۋەر بولدى.

بۇنىڭدىن تاشقىرى يەنە، قازاقىستان جۇمھۇرىيىتى پارلامېنتى مەجلىسىنىڭ دېپۇتاتى مۇرات ئەخمەدىيېف، ئالماتا شەھەرلىك سوت ئانالىزى ئىنستىتۇتىنىڭ باش ئانالىزچىسى ۋېنېرا ئىلىيېۋا، ئالماتا شەھەرلىك ئۇلۇغ ۋەتەن ئۇرۇشى قاتناشقۇچىلىرى شىپاخانىسىنىڭ خادىمى ئامىنەم مۇخپۇلوۋا، ئۇيغۇر ناھىيىلىك تەنتەربىيە ۋە تەنھەرىكەت بۆلۈمىنىڭ باشلىقى تۇرسۇن ھېتاخۇنوفلار ئايرىم مىنىستىرلىقلار ۋە ئىدارىلەرنىڭ يۇقىرى مۇكاپاتلىرى بىلەن تەقدىرلەندى.

رادىئومىز زىيارىتىنى قوبۇل قىلغان ئالىم، فىلولوگىيە پەنلىرىنىڭ نامزاتى رابىك ئىسمايىلوف 2012-يىلى قازاقىستان ئۇيغۇرلىرى ھاياتىدا يۈز بەرگەن ۋاقەلەر ھەققىدە توختالدى.

تەپسىلاتىنى يۇقىرىدىكى ئاۋاز ئۇلىنىشىدىن ئاڭلىغايسىزلەر.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت