Türkiye enqere uniwérsitétida Uyghur tili kespini püttürgen oqughuchilar murasim bilen diplomlirini aldi

Türkiye enqere uniwérsitétining til we tarix-jughrapiye fakultéti Uyghur tili kespini püttürgen oqughuchilar murasim bilen diplomlirini aldi.
Ixtiyariy muxbirimiz erkin tarim
2012.07.04
enqere-uniwersititi-uyghur-tili-kespi-305.jpg Türkiye enqere uniwérsitéti til we tarix jughrapiye fakultéti Uyghur tili kespini püttürgen oqughuchilar püttürüsh murasimidiki xushalliq. 2012-Yili 29-iyun, enqere.
RFA/Erkin Tarim

1991-Yili sabiq sowét ittipaqi parchilinip, ottura asiya türkiy jumhuriyetliri musteqilliqini élan qilghandin kéyin, ularning musteqilliqini birinchi bolup türkiye jumhuriyiti tonughan idi. Bu jumhuriyetler bilen bolghan siyasiy, iqtisadi we medini munasiwetlerni tereqqiy qildurush shundaqla türkiy tillirini yaxshi bilidighan mutexessislerni terbiyilesh üchün 1992-yili tunji bolup, enqere uniwérsitétining til we tarix-jughrapiye fakultétida hazirqi zaman türkiy tilliri we edebiyatliri kespi échildi. Bu kesip boyiche 4 kafidra tesis qilin'ghan bolup, bularning biri Uyghur-özbék tili kafidrasi. 1992-Yilidin béri bu kafidragha her yili 16 etrapida oqughuchi qobul qilinmaqta. Bu oqughuchilar Uyghur tilini sistémiliq halda ögen'gendin bashqa, Uyghurlarning tarixi, tili, edebiyati, türkiye, xitay munasiwiti, salarche we sériq Uyghurche qatarliq derslernimu oqumaqta.Türkiye enqere uniwérsitéti til we tarix jughrapiye fakultéti Uyghur tili kespini püttürgen oqughuchilar. 2012-Yili 29-iyun, enqere.

Uyghur tili kespining 6 -qarar oqughuchiliri 6-ayning 29-küni murasim bilen diplomlirini aldi. Murasimda biz bu kesipni ela netije bilen püttürgen esra qarapolat, sezgin yildirim qatarliq oqughuchilargha mikrofonimizni uzattuq. Bulardin bashqa türkiye ege uniwérsitéti, türk dunyasi tetqiqat merkizi oqutquchisi proféssor doktor alimjan inayet ependimu türkiyidiki herqaysi uniwérsitétlardiki Uyghur tili kafidraliri heqqide melumat bérip, bügün türkiyidiki 10 uniwérsitétta Uyghur tili oqutuluwatqanliqini, bulardin bashqa özi ishlewatqan instituttimu Uyghur tili kespi boyiche mutexessisler yétishtürülüwatqanliqini bayan qilip ötti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.