Yüsüp qerdawi: xitay, rusiye we iran musulmanlarning düshmini

Xelq'ara musulman ölimalar ittipaqining re'isi, islam dunyasida birdek étirap qilin'ghan alim yüsüp el qerdawi xitay, rusiye we iran qatarliqlarning musulmanlarning düshmini ikenlikini jakarlidi we musulmanlarni bu yilqi hejde ular üchün beddu'a qilishqa chaqirdi.
Ixtiyariy muxbirimiz ömerjan
2012-10-16
Share

Londonda chiqidighan "Ottura sherq" gézitining 2012-yili 14-öktebir künidiki sanida, "Qerdawining chaqiriqi" dégen témida bir maqale élan qilin'ghan bolup, uningda mundaq dep yézilghan:
"Xelq'ara musulman ölimalar ittipaqining re'isi doktor yüsüp el qerdawi qatar dölitining paytexti doha shehiridiki chong meschitte 12-öktebir küni oqughan jüme namizining xutbisida rusiye, xitay we iranning nöwettiki süriye weziyitige tutqan mewqesini qattiq eyiblidi we ularni islam ümmitining düshmenliri dep élan qildi shundaqla bu yilqi hejde ular üchün beddu'a qilishni musulmanlargha tewsiye qildi."

U yene mundaq dédi:
"Shuni bilishimiz kérekki, biz bilen urushuwatqanlar yalghuz esed hakimiyitining küchlirila emes, belki xitaylar, ruslar we iranliqlarmu birge urushmaqta. Ular esed hakimiyitige adem we qoral küchi bilen yardem qilmaqta. Süriyilik qérindashlirimizni xitaylar, ruslar we iranliqlar birlikte öltürüwatmaqta. Iran hakimiyitining ottura sherqte pars impératorluqini tiklesh üchün ereblerge düshmen bolup kéliwatqanliqi hemmige melum. Iranning shahi xelqini öltürmigen we textni boshitip chet'elge chiqip ketken idi. Emma hazirqi hakimiyet öz xelqini öltürgenning sirtida, süriyilik qérindashlirimiznimu öltürmekte. Ular hizbullachilarning qoli bilenmu nurghun buzghunchiliqlarni qilip kelmekte. Iran hakimiyiti din'gha xiyanet qilghan we musulmanlarning qénini éqitqan gunahkarlardur. Ular bu qilmishlirining jazasini choqum tartidu we hemmining hésabini béridu."

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet