Amérika 11‏-séntebir térrorluq weqesining 14 yilliqini xatirilidi

Muxbirimiz erkin
2015.09.11

Amérikiliqlar jüme küni amérikining nyu-york, washin'gton, pnsilwaniyening pétisburg nahiyeside yighilish ötküzüp, 11‏-séntebir térrorluq hujumining 14 yilliqini xatirilidi.

Nyu-yorktiki pa'aliyet kona dunya soda merkizining ornida ötküzüldi. Xelq etigen sa'et 8: 46 de we 9:03 de ikki qétim bir minut süküt qilip, dunya soda merkizining 2 binasi uchrighan hujumda ölgen 2700 ademge éhtiram bildürdi.

Amérika dölet mudapi'e ministirliqida ötküzülgen xatirilesh pa'aliyitige dölet mudapi'e ministiri eshton katér, dölet mudapi'e ministirliqidiki xadimlar, hujumda ölgen herbiylerning a'ile tawabi'ati ishtirak qildi.

Térrorchilar, görüge éliwalghan 4 ayropilanning birini dölet mudapi'e ministirliqi binasigha apirip urghan. Hujumda 184adem ölgen idi. Térrorchilar görüge éliwalghan 4‏-ayropilanda toqunush yüz bergen. Ayropilan pénsilwaniye shtatining pétisburg nahiyesidiki bir ormanliqqa chüshüp kétip, ayropilandiki 44 ademning hemmisi qaza qilghan idi.

Pétisburgdiki xatirilesh pa'aliyiti ayropilan chüshüp ketken orunda ötküzüldi. Bu yerdiki xatirilesh pa'aliyitide xelq ayropilan chüshüp ketken sa'et 10:3 de bir minut sükütte turdi.

Aq saraydiki xatirilesh pa'aliyiti aqsarayning baghchisida ötküzüldi. Prézidént obama, xanimi méshél obama we aqsaraydiki xizmetchiler aqsaray baghchisida etigen sa'et 8:46 de qurbanlargha sükütte turup, éhtiram bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.