Yombi tona: “11 Uyghur qachqunning qoghdilish heqqi bar!”

Muxbirimiz eziz
2018.02.27

Tayland türmisidin qéchip chiqqan 11 Uyghur malayshiyada tutulup hazirghiche teqdirining qandaq bolidighanliqi heqqide her xil texminler otturigha chiqmaqta. 26-Féwral malayshiya bash ministiri nejib razaqqa yézilghan ochuq xet tüpeyli bu mesile yene bir qétim axbarat wasitilirining diqqitini qozghidi.

Bash orgini taylandning bangkok shehiridiki “Asiya-tinch okyan qachqunlar hoquqi tori” teshkilati ewetken bu ochuq xette malayshiya bash ministiri nejib razaqtin malayshiyada qolgha élin'ghan 11 Uyghur qachqunni b d t musapirlar komitétining xelq'araliq qanun boyiche bir yaqliq qilishigha ötküzüp bérishi jiddiy telep qilin'ghan. Melum bolushiche, bu teshkilat 28 dölettiki 320 puqrawi teshkilattin terkib tapqan xelq'araliq tor birliki bolup, asiya we tinch okyan rayonidiki qachqunlarning heq we hoquqlirigha da'ir mesililerni bir yaqliq qilidiken.

Mezkur ochuq xette bu Uyghur qachqunlarning xitaydiki zulum seweblik chet'elge qéchishqa mejbur bolghanliqini, emdilikte bu 11 Uyghurni malayshiya hökümiti mejburiy yosunda xitaygha qayturup berse bu ularni qarap turupla ölümge ittergenlikke barawer ikenliki, shunga malayshiya hökümitining özliri imza qoyghan xelq'araliq musapirlarning qoghdash ehdinamilirige ri'aye qilishi lazimliqi alahide eskertilgen.

“Malay tori” ning 27-féwraldiki xewiride bolsa malayshiya bilen xitayning ötken yili 96 milyard amérika dolliriliq soda munasiwitide bolghanliqi hemde bu xil munasiwettin malayshiya bash ministiri nejib razaqning alahide memnun ikenliki qeyt qilinidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.