Bu yil tarim oymanliqidin 21 milyard kub métir tebi'iy gaz toshup kétilgen

Muxbirimiz ümidwar
2017-12-17
Share

Xitay énérgiye da'iriliri tarim wadisining tebi'iy gazlirini xitay ölkilirige toshush miqdarini yildin yilgha köpeytiwatqan bolup, bu yilqi toshush miqdari yillardikige qarighanda zor derijide ashurulghan.

Tarim oymanliqigha jaylashqan tarim néfitlikidiki mexsus xitayning déngiz boyliridiki 15 ölke we biwasite qarashliq sheherlirini öz ichige alghan 120 din artuq chong-kichik sheherlerni tebi'iy gaz bilen teminlep kéliwatqan bir qanche tebi'iy gazliqtin bu yil ichide 21 milyard kub métirdin artuq tebi'iy gaz toshughan.

Shinxu'a agéntliqining xewiridin ashkarilinishiche, tarim néfitlikidin éliniwatqan tebi'iy gaz xitayning 400 milyondin artuq ahalisi we 3000 din artuq zawut-fabrikilirini yéqilghu bilen teminlewatqan bolup, mezkur "Gherbning gazini sherqqe toshush" gaz turubisi ishqa kirishken 14 yil ichide tebi'iy gaz élish we toshush miqdari ötken ikki yil ichide yuqiri derijide ashurulghan shuningdek bu yil bolsa 14 yil ichidiki eng yuqiri sewiyige yetken.

Köp yillar Uyghur diyarida shirket qurup, tijaret ishliri bilen shughullan'ghan, hazir amérikida jem'iyetshunasliq tetqiqati bilen shughulliniwatqan, ismini éytishni xalimighan bir Uyghur mutexessisning bildürüshiche, rayondiki Uyghurlarning özliri yashawatqan zémindiki bu her xil tebi'iy bayliqlardin behrimen bolalmaywatqanliqi köp yillardin buyan qattiq naraziliq qozghap kelmekte. Xitay da'iriliri aldinqi yilidin tartip tarim wadisidiki bayin'gholin, aqsu, qeshqer, qizilsu, xoten qatarliq wilayet we oblastlirinimu tebi'iy gaz bilen teminlesh miqdarini köpeytishke kirishken bolsimu, biraq qeshqer, xoten, aqsu wilayetliridiki mutleq köp qisim Uyghur ahalisi, Uyghur déhqanliri yenila gazsiz turmush kechürmekte, teminlen'gen bu gazlar asasliqi ishlep chiqirish qurulush armiyisi hemde bir qanche sheherlerni asas qilghan. Gaz turubiliri téxi Uyghurlar zich jaylashqan jaylargha tutashturulmighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet