Xitayning bir hökümet géziti partiye ezalirining az digende 3 baliliq bolushini telep qilghan
Xitay Uyghurlarning nupusini gherezlik, pilanliq, sistémiliq azaytip, “Irqiy qirghinchiliq” qilish bilen eyiblen'gen bir waqitta, xitayning bir hökümet géziti partiye ezalirining az digende 3 baliliq bolup, xitay nupusining köpiyishidiki “Mes'uliyetni zimisige élishi” ni telep qilghan. Mezkur tehrirat maqalisi “Xitay doklat tori” namliq hökümet géziti teripidin ötken ayda élan qilinip, uzun ötmey tordin élip tashlan'ghan.
En'giliye “Musteqilliq” gézitining xewer qilishiche, bu tehrirat maqalisi tordin élip tashlan'ghan bolsimu, biraq uning bir nusxisi 8-dékabir küni xitay ijtima'iy taratqulirida keng tarqilip, munazire qozghighan. Xewerde éytilishiche, tehrirat maqalisida “Héchqandaq bir partiye ezasi toy qilmasliq yaki baliliq bolmasliq üchün bahane körsetmesliki kérek,” déyilgen iken.
Bu munazire amérika dölet mejlisi xitayning Uyghurlargha irqiy qirghinchiliq qilghanliqi toghrisida qarar maqullighan, shundaqla “Uyghur sot kollégiyesi” mu xitayning Uyghurlargha “Irqiy qirghinchiliq” we “Insaniyetke qarshi jinayet” sadir qilghanliqini qobul qilip, shi jinping, chén chu'en'go qatarliqlarni bu jinayetning biwaste jawabkari, dep élan qilghan bir waqitta qozghalghan. Londondiki “Uyghur sot kollégiyesi” ning éytishiche, xitay hökümitining mejburiy bala chüshürüsh, tughmas qilish qatarliq wastilar arqiliq Uyghur nupusini “Gherezlik, pilanliq, sistémiliq azaytip”, irqiy qirghinchiliq sadir qilghanliqi éniq iken.
- Bextiyar böre: “Men Uyghur, men térrorchi emes, irqiy qirghinchiliqni toxtat”
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- Nuri türkel: “Méning komissarliq xizmitim bolsun we yaki hazirqi re'islik xizmitim bolsun hemmisi asasliq Uyghurlarning xizmitini qilishni merkez qilghan”
- B d t ning ichki qismidiki nishanigha muxalip qilmishliri we Uyghur mesilisi
- Dunya musapirlar künide Uyghur musapirlirini kanadagha yerleshtürüsh heqqide teklip layihesi sunuldi
