Uyghur emeldarlarning 3 xil küchlerge qarshi bayanati chaqiriqnamidin wediname sheklige qarap özgermekte

Muxbirimiz shöhret hoshur
2017-08-21
Share

Uyghur rayonida kériyelik yéza bashliqi obulqasim mettursun bilen bashlan'ghan üch xil küchlerge qarita ochuq xetler ilgiriki chaqiriqname sheklidin wediname sheklige qarap özgermekte.

Melum bolushiche, obulqasim we uningdin kéyinki egeshküchiler, xitay dölitining atalmish ewzelliklirige apirin oqush bilen birlikte Uyghur xelqini xitay hakimiyitige shertsiz boysunushqa chaqiriq qilip kelgen idi. Bügün xitayning tengritagh tori we shinjang gézitidiki ochuq xetlerde, teyinlen'gen emeldarlar özlirining buningdin kéyin üch xil küchlerge qandaq qarshi turidighanliqi heqqide wede bergen.

Qaramay sheherlik partkom da'imiy komitétining ezasi ablikim éziz "Dölet xewpsizliki, ijtima'iy muqimliq we milletler ittipaqliqigha ziyan yetküzidighan barliq söz-heriketlerning meyli qandaq shekilde niqabliniwélishi, qandaq bayraqni kötürüwélishidin qet'iynezer, közümni yoghan échip, uni qet'iy pash qilimen, uninggha qet'iy qarshi turimen, uni qet'iy tosimen" dégen bolsa, xitay memliketlik siyasiy kéngesh da'imiy komitétining ezasi, aptonom rayonluq ewladlargha köngül bölüsh xizmiti komitétining mu'awin mudiri jür'et memtimin: "Ikki yüzlimilikke qarshi qet'iy küresh qilip, ulargha her qandaq mewjutluq boshluqi we yashash tupriqi qaldurmay, wetenning birlikini qoghdash üchün emeliy herikitim bilen töhpe qoshimen" dep wede bergen.

Muhajirettiki Uyghur közetküchiler, bu özgirishke asasen, Uyghur emeldarlarning ochuq xet yézishqa barghanséri qattiq zorliniwatqanliqini ilgiri sürüshmekte we bu wedinamilerni xitay da'irilirining Uyghur emeldarlargha qarita ishenchisining pütünley dégüdek yoqluqining ispati dep qarashmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet