Әнглийә архипи тйәнәнмен вәқәсидә он миң адәм өлгәнликини ашкарилиди

Мухбиримиз үмидвар
2017.12.24
Share on WhatsApp
Share on WhatsApp

Йеқинда әнглийә тәрәп 1989-йилидики тйәнәнмен вәқәсигә мунасивәтлик бир парчә мәхпий архип һөҗҗитини ашкарилиған болуп, мәзкур мәхпий һөҗҗәттә 1989-йили 6-айниң 4-күнидики бастурушта хитай азадлиқ армийәсиниң аз дегәндә он миң адәмни өлтүргәнлики баян қилинған.

Әнглийә б б с агентлиқиниң хәвәр қилишичә, бу санлиқ мәлуматни әйни вақиттики бейҗиңдики әнглийә баш әлчиси алан доналд хитай дөләт ишлири комиссарлиқ вәзиписи өтигән бир кишидин еришкән.

Тйәнәнмен вәқәсидә оқуғучиларни өз ичигә алған қанчилик адәмниң өлгәнлики һазирғичә ениқсиз сир болуп, әйни вақитта хитай һөкүмәт тәрәп асаслиқи пуқралар, аз сандики аманлиқ хадимлиридин болуп, бир қанчә йүз адәмниң өлгәнликини ейтқан болсиму, бу рәқәмләр қайил қилишқа еришәлмәй кәлмәктә иди.

Сабиқ әнглийә баш әлчиси алан доналд 1989-йили, 5-июн күни мәзкур мәхпий телеграммисини йоллап, аз дегәндә он миң адәмниң өлгәнликигә аит “учур мәнбәсиниң мәлум бир учур йәткүзгүчи икәнлики”, “бу адәмниң бу учурларға өзиниң дөләт ишлири комиссарлиқ вәзиписидики мәхпий дости арқилиқ еришкәнлики вә мәзкур учурларниң келиш мәнбәсиниң наһайити ишәнчиликлики” ни әскәрткән. Бу һөҗҗәттә броневикларниң көп қетим оқуғучиларни бесип өткәнлики, оқуғучиларниң әскәрләрниң оққа тутушиға учриғанлиқи, җәсәтләрниң ахири бир йәргә топлинип көйдүрүлгәндин кейин җәсәт күллириниң әврәз йоли арқилиқ еқитиветилгәнлики тилға елинған.

Бу архип һөҗҗити лондондики әнглийә дөләт архипханисида сақланған болуп, бу йил 10-айда мәхпийити бикар қилинған вә мәтбуатларға ашкариланған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.