40 Nechche dölet Uyghur diyarida cheklimisiz tekshürüshke yol qoyushni telep qildi

Muxbirimiz eziz
2021-06-22
Share

Xitay hökümiti gherb dunyasidiki her sahe zatlirining "Uyghur qirghinchiliqi" heqqidiki tenqidlirini izchil ret qilip kéliwatqan bolup, buning bir ipadisi musteqil tekshürüsh guruppilirining Uyghur diyaridiki musteqil tekshürüsh pa'aliyetlirige chek qoyushta ipadilinip kelmekte.

Roytérs agéntliqining 22-iyundiki xewirige qarighanda, awstraliye, en'gliye, firansiye, gérmaniye, yaponiye qatarliq 40 nechche dölet birleshme bayanat élan qilip, xitay hökümitini birleshken döletler teshkilati kishilik hoquq aliy kéngishining Uyghur diyaridiki musteqil we cheklimisiz tekshürüshige ruxset qilishqa chaqirdi. Xewerde éytilishiche, birleshme bayanatta "Ishenchlik melumatlar alliqachan bir milyondin oshuq kishining qanunsiz tutqun qilinip, erkinliktin mehrum boluwatqanliqini körsetmekte. Biz xitay hökümitini bu heqtiki tekshürüshke héchqandaq cheklime qoymasliqqa jiddiy dewet qilimiz" déyilidu.

Xitay hökümiti buninggha tézdin inkas qayturup, özlirining "Siyasiy gherez arilashqan tekshürüsh" ni ret qilidighanliqini, bu xil tekshürüshning jezmen hemkarliq asasida bolushi kéreklikini bildürgen.

Melum bolushiche, b d t kishilik hoquq aliy kéngishining re'i'isi mishél bachélétning Uyghur diyaridiki musteqil tekshürüsh pa'aliyiti izchil ziddiyetlik mesililerge duch kéliwatqanliqi üchün mezkur bayanat élan qilin'ghaniken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet