Хитайда Facebook ниң тақилишиға 5-июл вәқәсиниң сәвәб болғанлиқи илгири сүрүлди

Мухбиримиз шөһрәт һошур
2017.08.23

Канададики World Atlass намлиқ универсал учур тори бүгүн “хитайда чәкләнгән 10 нәрсә” намлиқ бир мақалә елан қилди.

Мақалидә гогул, фесбок, тивиттир, синапшот, ебок, инстиграм қатарлиқ дуняға мәшһур учур васитилириниң хитайда чәкләнгәнлики баян қилинип, буниң ичидә фейсбокниң тақилишиға 2009‏-йили үрүмчидә йүз бәргән 5‏-июл вәқәсиниң сәвәб болғанлиқи илгири сүрүлди.

Хәвәрдә 5‏-июл вәқәсидә ана вә балиларниму өз ичигә алған 200 дин артуқ киши өлгәнлики, вәқәниң “үрүмчи исяни” дәп тонулғанлиқи тилға елиниш билән бирликтә, уйғур паалийәтчилириниң 5 ‏-июл вәқәсини тәшкилләштә фейсбоктин үнүмлүк пайдиланғанлиқи тилға елинған.

Мақалида йәнә дейилишичә, фейсбок ширкитиниң қурғучиси марк зукәрбәрг, хитайда фейсбокни әслигә кәлтүрүш үчүн хели һәпилишип баққан болсиму, хитай даирилири бу нуқтидики қарарида арқисиға чекинмигән.

Уйғур йеқинқи заман сиясий тарихидики дәвр бөлгүч вәқә дәп қариливатқан 5‏-июл вәқәси сәвәблик, хитайда фейсбокниң тақилишидин башқа, тунҗи қетим йәрлик хәлқниң ғәзипини нәзәргә елип, әмәлдар алмаштурған; йәни 15 йилдин артуқ һөкүм сүргән ваң лечүәнниң орниға уштумтут, әйни чағда мөтидил миҗәзлик дәп қаралған җң чүншйән кәлтүрүлгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.