Уйғур ана патигүл ғулам үчүн нахша иҗад қилинди

Мухбиримиз меһрибан
2014-04-21
Елхәт
Пикир
Share
Принт


17 - Април күни аммиви тор бекити ютуп торида германийилик җоие һамилтонниң уйғур ана патигул ғулам қатарлиқ 5 - июл урумчи вәқәсидә балилири ғайип болған уйғур аниларға беғишланған «аниниң көз - йеши»намлиқ нахшиси елан қилинди.

Йотуп ториға бу нахшини йоллиған җое әпәнди нахша һәққидә язған изаһатида, «аниниң көз йеши намлиқ бу нахшини балилиридин айрилған уйғур анилириға беғишлаймән» дегән. Әнгилийидики лондун уйғур ансанбилиниң нахшичиси рәһимә ханим зияритимизни қобул қилип, нахша аптори җое хамилтон әпәндиниң өзигә елхәт йезип, бу нахшини мюнхенда ечилған дуня уйғур қурултийиниң ғайиплар вә түрмидә йетиватқан уйғурларниң из - дерикини қилиш һәққидики йиғинға қатнашқинида, әркин асия радиосида берилгән патигүл ғулам ханимниң мураҗитини аңлиғандин кейин иҗада қилғанлиқини билдүргәнликини баян қилди.

Радиомизниң өткән һәптиниң сәйшәнбә күни 15 - априлдики программисида, германийәдә ечиливатқан ғайиплар һәққидики йиғинидин хәвәр тапқан патигүл ғуламниң мәзкур йиғинни тәшкиллигән вә қатнашқан барлиқ кишиләргә миннәтдарлиқини билдүрүп, уйғур районидики өзигә охшаш ғайиплар аилә - тавабиатлириниң ғайиплар һәққидә учур елишиға йиғин қатнашчилириниң изчил ярдәм қилишини тәләп қилған сөзлири елан қилинған иди.

Пикирләр (0)
Share
Толуқ бәт