Uyghur ana patigül ghulam üchün naxsha ijad qilindi

Muxbirimiz méhriban
2014-04-21
Élxet
Pikir
Share
Print


17 - April küni ammiwi tor békiti yutup torida gérmaniyilik jo'ié hamiltonning Uyghur ana patigul ghulam qatarliq 5 - iyul urumchi weqeside baliliri ghayip bolghan Uyghur anilargha béghishlan'ghan "Anining köz - yéshi"namliq naxshisi élan qilindi.

Yotup torigha bu naxshini yollighan jo'é ependi naxsha heqqide yazghan izahatida, "Anining köz yéshi namliq bu naxshini baliliridin ayrilghan Uyghur anilirigha béghishlaymen" dégen. En'giliyidiki londun Uyghur ansanbilining naxshichisi rehime xanim ziyaritimizni qobul qilip, naxsha aptori jo'é xamilton ependining özige élxet yézip, bu naxshini myunxénda échilghan dunya Uyghur qurultiyining ghayiplar we türmide yétiwatqan Uyghurlarning iz - dérikini qilish heqqidiki yighin'gha qatnashqinida, erkin asiya radi'osida bérilgen patigül ghulam xanimning murajitini anglighandin kéyin ijada qilghanliqini bildürgenlikini bayan qildi.

Radi'omizning ötken heptining seyshenbe küni 15 - aprildiki programmisida, gérmaniyede échiliwatqan ghayiplar heqqidiki yighinidin xewer tapqan patigül ghulamning mezkur yighinni teshkilligen we qatnashqan barliq kishilerge minnetdarliqini bildürüp, Uyghur rayonidiki özige oxshash ghayiplar a'ile - tawabi'atlirining ghayiplar heqqide uchur élishigha yighin qatnashchilirining izchil yardem qilishini telep qilghan sözliri élan qilin'ghan idi.

Toluq bet