Dunya Uyghur qurultiyi "5-Iyul weqesi" ghayibliri heqqide bayanat élan qildi

Muxbirimiz eziz
2017-07-04
Share

2009-Yili 5-iyulda yüz bergen ürümchi "5-Yul weqesi" ning sekkiz yilliqi harpisida dunya Uyghur qurultiyi bayanat élan qilip, xitay hökümitini xelq'aragha bergen wedisige emel qilishqa hemde shu qétimliq weqede ghayib bolghanlar heqqide musteqil tekshürüshke yol qoyushqa chaqirdi.

Bayanatta éytilishiche, 2009-yili 5-iyuldiki oqughuchilar namayishi gu'angdungning shawgüen shehiridiki Uyghur ishchilarning tayaq yep ölüp kétish weqesige naraziliq bildürüsh üchün teshkillen'gen. Emma namayish saqchilarning basturushigha uchrighan hemde toqunushqa aylinip kétip 197 kishining ölgenliki xewer qilin'ghan idi. Halbuki, shu qétimliq weqedin kéyin qolgha élin'ghan nechche yüz kishidin az dégendimu ellik nechche kishining ghayib bolup ketkenliki delillen'gen. Emma, hazirghiche ularning dériki bolmay kelmekte.

Bayanatta shu ehwallar heqqide mundaq déyilidu: "Shahitlarning bayanliri 43 Uyghur mehbusning qolgha élin'ghandin kéyin ghayib bolghanliqini delillisimu, heqiqiy sanning buningdin xélila köp ikenliki éhtimalgha tolimu yéqin."
Shuningdin kéyinmu xitay qolgha alghan Uyghur yashliridin nurghunining, jümlidin kambodzha we tayland hökümetliri xitaygha ötküzüp bergen qachqunlarning héchqandaq iz-dériki bolmay kelmeywatqanliqi melum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.