S j wérlémen "NBA" ni Uyghur élidiki meshiq bazilirini taqashqa chaqirdi

Muxbirimiz irade
2019-10-18
Élxet
Pikir
Share
Print

Amérikadiki tonulghan obzorchi we tetqiqatchi s j wérlémen 16-öktebir küni "Yéngi ereb" tor gézitide maqale élan qilip, amérika waskitbol kulubi "NBA" ning Uyghur élidiki meshiq bazilirini tenqid qildi.

U "NBA Xitayning Uyghurlargha yürgüzüwatqan jinayetlirini aqlashni toxtitishi kérek" dep mawzu qoyulghan maqaliside, NBA ning meshiq baziliri mewjut bolghan Uyghur rayonida xitay hökümitining Uyghur musulmanlirigha qarita medeniyet qirghinchiliqi yürgüzüsh bilen birge, 3 milyondek Uyghurni lagérlargha solash arqiliq zor kölemlik sistémiliq depsende qilish herikiti yürgüzüwatqanliqini bayan qilghan. 

U bundaq bir shara'itta, NBA ning xitay baziridin kélidighan pul we menpe'etni közlep turup, xitay hökümitining pikir erkinlikini cheklesh we kishilik hoquqni depsende qilishigha yantayaq bolushini "Nomusszliq" dep körsetken. 

Amérika döletlik waskétbol kulubi "NBA" ning ürümchidiki meshiq merkizi 2016‏-yili 10‏-ayda qurulghan bolup, hazir uningda 14 yashtin 18 yashqiche bolghan yüzligen waskétbol heweskarlirining terbiyeliniwatqanliqi melum. Melum bolushiche, NBA ning ürümchidiki meshiq merkizi uning xitaydiki 3 meshiq merkizining biri bolup hésablinidiken. Yuqiridiki bu meshiq merkizi qurulghandi'an buyan izchil halda közetküchilerning tenqid obikti bolup kelmekte. 

S j wérlémen maqaliside "NBA" ni xitay hökümiti we xitaydiki waskitbol mestanilirini xapa qilip qoyushtin qet'iynezer Uyghur élidiki meshiq merkezlirini taqashqa chaqirip, : "Uning eksini qilish xitay hökümiti yolgha qoyghan yighiwélish lagirlirini aqlash herikitige qatnashqanliq, bolup hésablinidu" dégen.

Pikirler (0)
Share
Toluq bet