Испан қизиниң уйғур диярида көргәнлири

Мухбиримиз әзиз
2019-07-24
Елхәт
Пикир
Share
Принт

Хитай һөкүмитиниң уйғурлар вәтинидә исми-җисмиға лайиқ «сақчи дөлити» бәрпа қилип чиқиши һәққидә охшимиған мәлуматлар оттуриға чиқиватқанда испанийәлик марта хуанола өзиниң саяһәт җәрянида қәшқәр қатарлиқ җайларда көргәнлирини оқурмәнләргә тәқдим қилди.

«Бүгүнки ғәрбий австралийә» гезитиниң 18-июл саниға бесилған бу һәқтики язмида марта өзиниң милйонлап адәмниң лагерға қамилиши, сақал-бурут вә яғлиқ артишниң мәни қилиниши, «қуран» оқушниң чәклиниши һәққидики хәвәрләрни көпләп көрүп, бу ишларниң раст-ялғанлиқини билип беқиш истикидә қәшқәргә берип беқиш қарариға кәлгәнликини, шуниңдәк испанийәниң каталонийә өлкисидики юртиға қайтиш сәпиридә қәшқәргә чүшүп өткәндә көргән-билгәнлирини аддий вә қизиқарлиқ қилип баян қилиду.

Мартаниң тунҗи күнидә көргини йерим кечә болғанда толуқ қоралланған төт хитай әскириниң һимайисидики тәкшүргүчиләрниң уни каридорға елип чиқип паспорт тәкшүрүши болған. Қәшқәрдә турған үч күндә сақчилар у чүшкән меһманхана залида мартаниң паспортини төт қетим тәкшүргән. У қәшқәрдә көзитиш камералири, тәкшүрүш нуқтилири вә соғуқ тәләт әскәрләрниң һәммила җайни қаплап кетиши дегәнләрниң даимлиқ һадисигә айлинип қалғанлиқини көргән. Түрмиләргә хас төмүр ришаткилиқ дәрвазиларниң һәммила җайға орнитилиши, йәслиләрдики тикәнлик сим тосуқ вә қассапларниң пичақлириниң зәнҗирләп қоюлуши уни бәкму һәйран қалдурған. У бу һәқтә тохтилип «бу мәнзириләр һәрқандақ адәмни тезла буруқтум қилип ташлайду» дәйду.

У қәшқәрдики еғир сиясий бурухтумлуққа бәрдашлиқ берәлмәй қайтиш алдида қәшқәргә йәнә бир қетим нәзәр селип «йипәк йолидики гүлләнгән пайтәхтләрниң бири болған қәшқәр әсирләр бойи хитайдин қутулуш үчүн күрәш қилип кәлгән икән. Әмдиликтә болса бу қәдимий макан әскәргә вә камераларға толған бу муһитқа әсир болғандәк қилиду» дәйду.

Пикирләр (0)
Share
Толуқ бәт