D u q abdul'ehed damollamning ölümi heqqide bayanat élan qildi

Muxbirimiz shöhret hoshur
2018-05-30
Share

Birqanche kündin béri ijtima'iy taratqularda xoten qaraqashliq meshhur diniy zat abdul'ehed damollamning xitayning yighiwélish lagérida jan üzgenliki heqqide uchurlar tarqalghan idi.

Bu heqte éniqlash élip barghan dunya Uyghur qurultiyi aldul'ehed damollamning chet'eldiki uruq-tughqanliri bilen söhbetlishish netijiside damollomning ölümi heqqidiki uchurning toghriliqini jezmleshtürgen. Bügün bu heqte mexsus bayanat élan qilghan d u q dunya jama'itini Uyghur diyarida mewjut bolup turuwatqan yighiwélish lagérlirining xewp-xetirini hés qilishqa we ularni taqash üchün tégishlik heriket élip bérishqa chaqiriq qildi.

In'glizche élan qilin'ghan mezkur bayanatta abdul'ehed damollamning yighiwélish lagérida ölgenliki melum bolghan ikkinchi bir diniy alim ikenliki eskertilgen. Aldinqi aylarda “Qur'an kerim” ni Uyghur tiligha terjime qilghan muhemmet salih damollamning lagérda ölgenliki xewer qilin'ghan idi.

D u q ning bayanati we ijtima'iy taratqularda qeyt qilinishiche, 1930‏-yili qaraqashta tughulghan abdu'ehed damollam sherqi türkistan inqilabining rehberliridin muhemmed imin bughraning jiyeni bolup, u 1958-, 1979-, 2001-, 2004-, we 2017‏-yili bolup, hayati boyi jem'iy 5 qétim tutqun qilin'ghan. Deslepki qétimida 15 yilliq, kéyinki qétimlirida 2 aydin 5 yilgha qeder qamaq hayatini bashtin kechürgen abdul'ehed damollam axirqi qétim, yeni ötken yili noyabirda lagérgha élip kétilgen we yéqinda lagérda jan üzgen.

Bayanatta neqil élinishiche, dunya Uyghur qurultiyining re'isi dolqun eysa abdul'ehed damollamning hayati boyi zulumgha bash egmigenliki, Uyghur ewladlirigha islamning heqiqiy mahiyitini ögitishte ching turghanliqi, merhumning wapatining weten ichi-sirtidiki Uyghurlarni chongqur qayghugha chömdürgenlikini tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet