Uyghur xelqi merhum abdurehim ötkür wapatining 20 yilliq xatiriside uni chongqur muhebbet bilen yad etmekte

Muxbirimiz qutlan
2015.10.05

Uyghurlar wetini we dunyaning herqaysi elliride yashawatqan Uyghur jama'iti merhum yazghuchi we sha'ir abdurehim ötkür wapatining 20 yilliq xatiriside uni chongqur muhebbet bilen yad etmekte.

Ijtima'iy taratqular we Uyghurche tor betliridin melum bolushiche, merhum ötkür ependini xatirilesh pa'aliyetliri 19-séntebirdin buyan qumul, ürümchi qatarliq jaylarda ötküzülgen.

Merhum ötkür ependi wapatining 20 yilliqini xatirilesh pa'aliyetliri “Nezir” yaki “Ilim chéyi” dégendek namlar bilen Uyghur ziyaliyliri hem jama'etchilikning teshkillishi bilen ötküzülgen.

Xatirilesh pa'aliyetliride merhum ötkür ependining hayat yoli, ijadiyet musapisi hemde uning bir yürüsh yalqunluq eserlirining bügünki Uyghur milliy oyghinishigha körsetken chongqur tesiri eslep ötülgen.

Ötkür ependining 1940-yillardin taki hayatining axirqi mezgillirigiche yazghan, milletni hörlükke we ümidke chaqiridighan bir qisim yalqunluq shé'irliri köpligen tor betlirige hem ijtima'iy taratqulargha qayta-qayta qoyulghan.

Melumki, ötkür ependi 20-esir Uyghur medeniyet tarixidiki körünerlik shexs. Uning 1940-yillardin buyan yoruq körgen yalqunluq shé'irliri, bir yürüsh tarixiy romanliri hemde Uyghur edebiyati we medeniyitige béghishlan'ghan ilmiy eserliri hazirqi zaman Uyghur milliy idé'ologiyesi we pikir tarixigha chongqur tesirlerni körsetken.

Ötkür ependi 1995-yili 10-ayning 5-küni ürümchide wapat bolghandin kéyin uning eserliri hazirgha qeder qayta-qayta bésilip kelmekte we xelq teripidin söyülüp oqulmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.