Қәшқәрдә өткүр әпәнди вапатиниң 20 йиллиқи хатириләнгән

Мухбиримиз қутлан
2015-10-19
Share

Вәтән ичидики уйғурчә тор бәтлириниң хәвиригә қариғанда, қәшқәрдики зиялийлар, карханичилар вә җамаәт бирликтә мәрһум әдиб вә шаир абдурәһим өткүр вапатиниң 20 йиллиқини хатирилигән.

Хатириләш паалийити 17-өктәбир күни қәшқәрдики "қәсир" йемәк-ичмәк сарийида өткүзүлгән.

Хәлқ тәрипидин уюштурулған бу паалийәтни қәшқәрдики уйғур карханичилар маддий җәһәттин қоллиған. Паалийәт давамида өткүр әпәндиниң "из" намлиқ шеири деклематсийә қилинған. Қәшқәрдики пешқәдәмләр өткүр әпәнди һәққидики әслимилирини йиғин әһлигә баян қилған. Әдәбият тәтқиқатчилири өткүр әпәндиниң һаяти, әдәбий иҗадийити вә униң уйғур җәмийитигә көрсәткән тәсири һәққидә мақалиләр оқуған.

Мәзкур паалийәттә йәнә 1990-йилларда өткүр әпәндиниң "из" намлиқ романиға асасән қәшқәр вилайәтлик сәнәт өмики ишлигән "қанлиқ из" намлиқ драма әсләп өтүлгән. Мәзкур драмида төмүр хәлпиниң ролини алған артистлар әйни чағдики орунлаш маһарити һәққидә чүшәнчә бәргән.

Мәлум болушичә, қәшқәрдики бу паалийәт мәрһум өткүр әпәнди вапатиниң 20 йиллиқини хатириләш бойичә уйғур елида бир ай ичидә хәлқ тәрипидин уюштурулған 3-қетимлиқ паалийәт икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт