Qeshqerde ötkür ependi wapatining 20 yilliqi xatirilen'gen

Muxbirimiz qutlan
2015-10-19
Élxet
Pikir
Share
Print

Weten ichidiki Uyghurche tor betlirining xewirige qarighanda, qeshqerdiki ziyaliylar, karxanichilar we jama'et birlikte merhum edib we sha'ir abdurehim ötkür wapatining 20 yilliqini xatiriligen.

Xatirilesh pa'aliyiti 17-öktebir küni qeshqerdiki "Qesir" yémek-ichmek sariyida ötküzülgen.

Xelq teripidin uyushturulghan bu pa'aliyetni qeshqerdiki Uyghur karxanichilar maddiy jehettin qollighan. Pa'aliyet dawamida ötkür ependining "Iz" namliq shé'iri déklématsiye qilin'ghan. Qeshqerdiki péshqedemler ötkür ependi heqqidiki eslimilirini yighin ehlige bayan qilghan. Edebiyat tetqiqatchiliri ötkür ependining hayati, edebiy ijadiyiti we uning Uyghur jem'iyitige körsetken tesiri heqqide maqaliler oqughan.

Mezkur pa'aliyette yene 1990-yillarda ötkür ependining "Iz" namliq romanigha asasen qeshqer wilayetlik sen'et ömiki ishligen "Qanliq iz" namliq drama eslep ötülgen. Mezkur dramida tömür xelpining rolini alghan artistlar eyni chaghdiki orunlash mahariti heqqide chüshenche bergen.

Melum bolushiche, qeshqerdiki bu pa'aliyet merhum ötkür ependi wapatining 20 yilliqini xatirilesh boyiche Uyghur élida bir ay ichide xelq teripidin uyushturulghan 3-qétimliq pa'aliyet iken.

Toluq bet