Merkiziy milletler uniwérsitétida merhum yazghuchi abduréhim ötkürning ijadiyetliri heqqide ilmiy muhakime yighini ötküzülgen

Muxbirimiz qutlan
2015-12-14
Share

Xelq tori Uyghurche qanilining xewirige qarighanda, 11-dékabir küni béyjingdiki merkiziy milletler uniwérsitéti merhum sha'ir we yazghuchi abduréhim ötkür wapatining 20 yilliqini xatirilesh munasiwiti bilen ilmiy muhakime yighini ötküzgen.

Mezkur muhakime yighinini merkiziy milletler uniwérsitétining Uyghur til-edebiyat fakultéti teshkilligen.

Muhakime yighinida ataqliq tilshunas, milletler uniwérsitétining proféssori abdure'up polat qatarliq birqanchilighan tetqiqatchilar ötkür ependining bedi'iy we ilmiy ijadiyetlirige béghishlan'ghan mexsus maqalilirini oqup ötken.

Yighin ariliqida Uyghur studéntlar ötkür ependining shé'irlirini kolléktip déklamatsiye qilip, yighin qatnashchilirini hayajan'gha salghan.

Melum bolushiche, bu yil 9-aydin buyan Uyghur rayonining ürümchi, qumul, qeshqer qatarliq jaylirida hemde türkiye qatarliq memliketlerde merhum ötkür ependi wapatining 20 yilliqi munasiwiti bilen bir qatar ilmiy muhakime yighinliri ötküzülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet