Abidilerge sir chachqan xitay ayal üstidin sot échildi

Muxbirimiz jüme
2013-08-03
Élxet
Pikir
Share
Print

Amérika paytextidiki muhim abidilerge sir chéchip buzghunchiliq qilghanliqi üchün qolgha élin'ghan xitay ayal üstidin jüme küni yene sot échilip, sotchi uni tutup turush ornigha qamash we putigha iz qoghlash üskünisi békitishke buyrudi.

Sotchi uning yoqlap kelgüchiler bilen körüsh hoquqinimu bikar qildi.

Amérika paytexti saqchiliri tyen jyaméi isimlik bu xitay ayalni düshenbe küni washin'gtondiki döletlik chong chérkaw-kafédraldiki heykel we chalghulargha sir chéchiwatqanda qolgha alghan we uni "Shexsiy mal-mülükke buzghunchiliq qilish jinayiti" bilen sotqa tartqan idi.

Bundin bir nechche kün ilgiri amérika paytexti washin'gtondiki linkolin xatire sariyi qatarliq orunlarning yéshil sir bilen bulighanliqi xewer qilin'ghan. Nöwette tyen jyaméining bu jinayetlernimu sadir qilghan bolushi mumkinliki texmin qilin'ghan.

Eger tyen jyaméigha artilghan "Shexsiy mal-mülükke buzghunchiliq qilish jinayiti" delillense, uninggha 10 yilliq qamaq jazasi bérilishi mumkin iken.

Saqchilarning bildürüshiche, tyen jyaméi qolgha élin'ghanda uning qolida xitay pasporti we suriki ötüp ketken amérika wazisi bar iken.

Toluq bet