Émiy andérson: "Proféssor abdukérim rahman kitablarsiz qandaq yashaydu"

Muxbirimiz sada
2018-10-03
Élxet
Pikir
Share
Print

2-Séntebir amérikidiki derrén baylérning shexsiy tor bétide émiy andérsonning "Proféssor abdukérim rahman kitablarsiz qandaq yashaydu" namliq maqalisi élan qilin'ghan.

Maqalide proféssor abdukérim rahmanning lagérgha tutulup kétilgenliki, uning ish izliri, hayat musapisi we kespiy netijiliri bayan qilin'ghan.

Abdukérim rahman shinjang uniwérsitéti filologiye institutining péshqedem proféssori bolup, uning yérim esirdin köprek hayati ders munbiride ötken. U Uyghur folklor medeniyiti boyiche Uyghurlar arisidin yétiship chiqqan tunji ewlad mutexessis bolup, 1983-yildin bashlap magistir oqughuchi terbiyeleshke, 1996-yildin étibaren doktor oqughuchi terbiyeleshke bashlighan. Uningdin bashqa u ilmiy tetqiqat saheside uzun yil tetqiqat élip bérip, "Uyghur folklori heqqide bayan", "Uyghuré xelq éghiz edebiyatining asasliri" qatarliq ilmiy eserlerni élan qilghan.

Proféssor abdukérim rahman yene Uyghur medeniyiti we folklori boyiche xitay memliketlik pen-tetqiqat türlirige yétekchilik qilghan. Hayatida oqutush we ilmiy tetqiqat ishliridin bashqa Uyghurlarning milliy menpe'etliri heqqide xitay hökümiti bilen toqunushup qalidighan yaki ochuq-ashkara pikir bayan qilidighan jür'ette bolmighan.

2018 -Yili martta proféssor abdukérim rahmanning xitay saqchiliri teripidin lagérgha élip kétilgenlik xewirining ashkarilinishi pütün Uyghur diyaridiki ziyaliylarni qattiq sarasimige salghan. Xitay hökümiti uning zadi néme sewebtin tutulghanliqi heqqide éniq bir chüshenche bermigen.

Mutexessislerning bayan qilishiche, xitay hökümitining abdukérim rahman, azad sultan, arslan abdulla we rahile dawuttek Uyghur bilim igilirini sewebsiz tutup, ularning bezilirini türmige, bezilirini jaza lagérlirigha ewetishi xitayning Uyghur medeniyiti we Uyghur serxillirini tüptin yoqitishqa kirishkenlikining ochuq ipadisi iken.

Toluq bet