Tutqun qilin'ghan adwokatlarning a'ile tawabi'atliri shi jinpinggha ochuq xet yazdi

Muxbirimiz méhriban
2016.10.25
Share on WhatsApp
Share on WhatsApp

Xitay kompartiyisining 18 - nöwetlik 6 - omumiy yighini 24 - öktebir béyjingda bashlandi. Oxshash bir künde 2015 - yili yüz bergen “9 - Iyul adwokatlarni tutqun qilish weqesi” de yéqinliri türmige tashlan'ghan 35 a'ile birleshme imzaliq ochuq xet élan qilip, xitay re'isi shi jinpingdin öz waqtida xataliqini tüzitip, hökümetning qanun boyiche ish qilishini, 9 - iyul tutqunliri we ularning a'ile - tawabi'atlirigha, adwokatlirigha adil mu'amile qilishini telep qildi.

Ochuq xette, 1 yil 4 aygha sozulghan tutqun mezgilide “Dölet hakimiyitini aghdurushqa urunush, qutratquluq qilish” jinayetliri artilip tutqun qilin'ghan adwokatlarning puqraliq hoquqi depsende qiliniwatqanliqi, saqchilarning qiynap soraq qilish qatarliq wastilerni qollinip mejburiy iqrar qilduruwatqanliqi, 9 - iyul tutqun qilish weqeside chétilghan ademning köplüki, artilghan jinayetning éghirliqi, teptish organlirining weqeni tekshürüsh jeryanining ashkara emesliki, tutqunlarni teshwiqat wastiliride mejburiy töwe qildurush qatarliq qanunsiz mu'amililerge uchrighanliqi qatarliqlar tilgha élinip, türmidiki barliq tutqunlarni qoyup bérish telep qilin'ghan.

9 - Iyul tutqunliridin adwokat shé yenyining ayali radiyomizning ziyaritini qobul qilip, gerche imzaliq xet élan qilin'ghan bolsimu, emma xitay re'isi shi jinpingning mezkur xetke inkas qayturup, hökümetning xataliqini tüzitishige ümid baghlimaydighanliqini, lékin xetke imza qoyghan adwokatlar a'ile - tawabi'atlirining bu xetni élan qilish arqiliq öz naraziliqini ipadileshni meqset qilghanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.