Хитай афғанистан земинида чарлаш елип бериватқанлиқи һәққидики хәвәрләрни рәт қилған

Мухбиримиз ирадә
2017-02-23
Share

Ройтерс агентлиқиниң хәвәр қилишичә, хитайниң мудапиә министирлиқи пәйшәнбә күнидики мухбирларни күтүвелиш йиғинида, афғанистандики чарлаш һәрикәтлири һәққидики соалларни җавабсиз қойған.

Хәвәрдә ейтилишичә, оттура асия - кавказийә тәтқиқат мәркизи йеқинда елан қилған бир доклатида хитай армийисиниң афғанистан земинлирида афған қисимлири билән бирликтә чарлаш елип бериватқанлиқини билдүргән. Мәлум болушичә, бултур 11- айдиму бир һиндистан хәвәр агентлиқи охшаш вәқәни илгири сүргән.

Әмма, хитай мудапиә министирлиқиниң баянатчиси рен гочяң буни инкар қилип, икки тәрәп армийисиниң пәқәт чеграда террорлуққа қарши туруш , бихәтәрликни сақлаш һәрикити әп барғанлиқини , униң, икки тәрәпниң бихәтәрлик келишимлириниң бир қисми икәнликини билдүргән.

Ройтерс агентлиқи хәвиридә, хитай даирилириниң афғанистандики қораллиқ һәрикәтләрниң уйғур елиға тәсир көрситишидин қаттиқ әнсирәйдиғанлиқини, шуңа бу җәһәттики һәмкарлиқлирини күчәйтип келиватқан болсиму, афғанистан земинида чарлаш елип бериватқанлиқи һәққидики доклатларни илгирики қетимлардиму рәт қилғанлиқини баян қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт