Хитай армийәсиниң афғанистанда һәрбий мәшғулат елип бериватқанлиқи мәлум болмақта

Мухбиримиз қутлан
2017-03-06
Share

Хитай армийәсиниң йеқиндин буян афғанистан чеграси ичидики 50 мил даиридә һәрбий мәшғулат билән шуғуллиниватқанлиқи хәвәр қилинмақта.

"армийә вақти" гезитиниң вашингтондин бәргән хәвиригә қариғанда, хитай һәрбий қисимлири афған күчлири билән бирликтә афғанистанниң шәрқий учидики хитай билән чегралинидиған вахан каридорида "террорлуққа қарши чарлаш" елип бериватқанлиқи мәлум.

Хәвәрдә дейилишичә, хитай, америка билән нато қисимлири афғанистандин айрилғандин кейин, вәзийити тинчсиз бу ички қуруқлуқ дөлитидә техиму муһим рол елишни пиланлимақтикән.

Бәш бурҗәклик бинаниң кабулда турушлуқ бир һәрбий әмәлдари "хитай қисимлириниң афғанистанда мәвҗутлуқини вә уларниң бәзибир һәрбий мәшғулатлар билән шоғуллиниватқанлиқини билимиз" дегән. Әмма у, бу һәқтә йәниму ичкирилигән һалда инкас қайтурушни рәт қилған.

Игилинишичә, афғанистанға киргән хитай қисимлири асаслиқи вахан каридорида һәрикәт қиливатқан болуп, улар афғанистанда туруватқан америка вә нато армийәсиниң базилиридин хели узақ арилиқни сақлап турмақтикән.

Игилинишичә, вашингтон, хитайниң афғанистандики һәрбий һәрикитигә нисбәтән техичә ениқ бир инкас билдүрмигән. Афғанистан уруши мәзгилидә америкиниң 130 миң кишилик армийәси афғанистанға киргән болуп, һазир нато қисимлири билән қошуп һесаблиғанда улардин әң ахирқи 15 миң әскәр афғанистандики базиларни сақлап турмақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт