Xitay armiyesining afghanistanda herbiy meshghulat élip bériwatqanliqi melum bolmaqta

Muxbirimiz qutlan
2017-03-06
Share

Xitay armiyesining yéqindin buyan afghanistan chégrasi ichidiki 50 mil da'iride herbiy meshghulat bilen shughulliniwatqanliqi xewer qilinmaqta.

"Armiye waqti" gézitining washin'gtondin bergen xewirige qarighanda, xitay herbiy qisimliri afghan küchliri bilen birlikte afghanistanning sherqiy uchidiki xitay bilen chégralinidighan waxan karidorida "Térrorluqqa qarshi charlash" élip bériwatqanliqi melum.

Xewerde déyilishiche, xitay, amérika bilen nato qisimliri afghanistandin ayrilghandin kéyin, weziyiti tinchsiz bu ichki quruqluq dölitide téximu muhim rol élishni pilanlimaqtiken.

Besh burjeklik binaning kabulda turushluq bir herbiy emeldari "Xitay qisimlirining afghanistanda mewjutluqini we ularning bezibir herbiy meshghulatlar bilen shoghulliniwatqanliqini bilimiz" dégen. Emma u, bu heqte yenimu ichkiriligen halda inkas qayturushni ret qilghan.

Igilinishiche, afghanistan'gha kirgen xitay qisimliri asasliqi waxan karidorida heriket qiliwatqan bolup, ular afghanistanda turuwatqan amérika we nato armiyesining baziliridin xéli uzaq ariliqni saqlap turmaqtiken.

Igilinishiche, washin'gton, xitayning afghanistandiki herbiy herikitige nisbeten téxiche éniq bir inkas bildürmigen. Afghanistan urushi mezgilide amérikining 130 ming kishilik armiyesi afghanistan'gha kirgen bolup, hazir nato qisimliri bilen qoshup hésablighanda ulardin eng axirqi 15 ming esker afghanistandiki bazilarni saqlap turmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet