Афғанистан террорлуққа қарши уруш отиниң хитай територийәсигичә тутушидиғанлиқини агаһландурған

Мухбиримиз қутлан
2017-03-27
Share

Афғанистан парламенти юқири палатасиниң башлиқи һади муслимяр өткән шәнбә күни русийә таратқулириниң зияритини қобул қилғанда "террорлуққа қарши уруш отиниң таки хитай територийәсигә қәдәр тутушуш мумкинчиликиниң барлиқи" ни илгири сүргән.

Русийә тасес агентлиқиниң алдинқи күнидики хәвиригә қариғанда, муслимяр нөвәттә афғанистанниң террорлуқ тәшкилатлириға зәрбә бериш пиланиниң биваситә һалда хитай оттуриға қойған "бир йол бир бәлвағ" истратегийәси билән мунасивәтлик икәнликини етирап қилған.

У йәнә агаһландуруп мундақ дегән: "ислам дөлитигә вә террорлуқ тәшкилатлириға зәрбә бериш урушиниң от ялқуни һәтта хитай територийәси ичигә қәдәр кеңийиши мумкин."

Һади муслимяр сөзидә йәнә афғанистанниң тинч вә муқимлиқини сақлимай туруп асия дөләтлириниң тинчлиқиға капаләтлик қилғили болмайдиғанлиқини илгири сүргән.

Йеқинда аталмиш "ислам дөлити" ниң хитайға һуҗум қилмақчи болғанлиқи һәққидики бир син хәвири тарқалғандин кейин хитайниң ғәрбий чеграсидики һәрбий сәзгүрлүки һәссиләп ашқан.

Русийә сиясий анализчилири "ислам дөлити" ниң хитайға һуҗум қозғаш һәққидики давриңиниң әмәлийәттә хитайниң афғанистанға әскәр киргүзүшигә қарита қайтурулған бир инкас болуши мумкинликини тәхмин қилмақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт