Afghanistan térrorluqqa qarshi urush otining xitay téritoriyesigiche tutushidighanliqini agahlandurghan

Muxbirimiz qutlan
2017-03-27
Share

Afghanistan parlaménti yuqiri palatasining bashliqi hadi muslimyar ötken shenbe küni rusiye taratqulirining ziyaritini qobul qilghanda "Térrorluqqa qarshi urush otining taki xitay téritoriyesige qeder tutushush mumkinchilikining barliqi" ni ilgiri sürgen.

Rusiye tasés agéntliqining aldinqi künidiki xewirige qarighanda, muslimyar nöwette afghanistanning térrorluq teshkilatlirigha zerbe bérish pilanining biwasite halda xitay otturigha qoyghan "Bir yol bir belwagh" istratégiyesi bilen munasiwetlik ikenlikini étirap qilghan.

U yene agahlandurup mundaq dégen: "Islam dölitige we térrorluq teshkilatlirigha zerbe bérish urushining ot yalquni hetta xitay téritoriyesi ichige qeder kéngiyishi mumkin."

Hadi muslimyar sözide yene afghanistanning tinch we muqimliqini saqlimay turup asiya döletlirining tinchliqigha kapaletlik qilghili bolmaydighanliqini ilgiri sürgen.

Yéqinda atalmish "Islam döliti" ning xitaygha hujum qilmaqchi bolghanliqi heqqidiki bir sin xewiri tarqalghandin kéyin xitayning gherbiy chégrasidiki herbiy sezgürlüki hessilep ashqan.

Rusiye siyasiy analizchiliri "Islam döliti" ning xitaygha hujum qozghash heqqidiki dawringining emeliyette xitayning afghanistan'gha esker kirgüzüshige qarita qayturulghan bir inkas bolushi mumkinlikini texmin qilmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet