Афғанистан ички ишлар министири хитай билән “террорлуққа” қарши һәмкарлишидиғанлиқини билдүргән


2015.05.15

Афғанистан ички ишлар министири оломи нурул һәқ хитайни зиярәт қилип, хитай мәркизи сиясий қанун комитети секретари миң җйәнҗу, хитай җ х министири гу шеңкун қатарлиқлар билән террорлуқ, зәһәрлик чекимлик әткәсчиликигә қарши һәмкарлиқ вә афғанистанда турушлуқ хитай пуқралирини, хитай органлирини қоғдаш мәсилисини музакирә қилған.

Го шеңкүнниң чаршәнбә күни шинхуа ахбарати агентлиқиға билдүрүшичә, афғанистан билән хитай өзлириниң бир биридә турушлуқ орган вә хадимлирини қоғдаш тәдбир алидикән.

Го шеңкүн йәнә, икки дөләтниң террорлуққа қарши туруш, зәһәрлик чекимлик әткәсчиликигә зәрбә бериш, чегра башқурушни күчәйтиш, аманлиқ күчлирини тәрбийиләш қатарлиқ җәһәтләрдики һәмкарлиқни давамлиқ күчәйтиш арзусини ипадилигән.

Шинхуа агентлиқиниң хәвиридә, оломи норул һәқниң афғанистан хитай билән бирлишип террорлуққа, зәһәрлик чекимликкә қарши һәмкарлиқни күчәйтишни халайду, дегәнликини тәкитлигән болсиму, бирақ конкрет қандақ мәсилиләрдә һәмкарлиқ елип беришқа келишкәнликини тилға алмиған.

Лекин, хитайниң афғанистан болған мунасивәтлиридики муһим бихәтәрлик мәсилиси-шәрқий түркистан ислам һәрикитидур.

Афғанистан дөләт бихәтәрлик идариси 2014 йили 12 нәпәр уйғурни мәзкур органға бағлап қолға алған вә шу йил йили 9‏-айда хитайға өткүзүп бәргән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.