Airbnb Shirkiti xitaygha masliship, Uyghurlargha ijare öy bérishni chekligen

Muxbirimiz jewlan
2021-07-28
Share

"Télégraf" torining 28-iyul bergen xewiride éytilishiche, qisqa muddetlik öy ijare bérish shirkiti bolghan Airbnb tor supisining xitaydiki ijare öy teminlesh tizimlikidin qarighanda, bu shirket bezide Uyghur we tibet qatarliq az sanliq milletlerge turalghu teminleshni éniq chekligen we buni "Biz peqet yerlik qanun'gha asasen shundaq qilduq" dégen.

Airbnb Kéler yil 2-ayda ötküzülmekchi bolghan béyjing qishliq olimpék musabiqisigha yardem bergen shirket bolup, bu sewebtin kishilik hoquq teshkilatliri teripidin küchlük bésimgha uchrighan we bu olimpék musabiqisigha yardem bérishtin waz kéchishi telep qilin'ghan.

Seyshenbe küni (27-iyul) amérika dölet mejlisi xitay ishliri komitéti ispat anglash yighinida xitayda ötküzülmekchi bolghan qishliq olimpék musabiqisigha yardem bergüchi shirketlerdin koka kola, intél qatarliqlar ichide Airbnb shirkitimu tilgha élin'ghan.

Kishilik hoquq közetchilirining bildürüshiche, xelq'ara qanun'gha asasen, her qandaq shirket öz menpe'etini dep kishilik hoquqqa ziyankeshlik qilmasliqi kérek. Eger Airbnb shirkiti amérikidiki afriqiliqlargha öy ijare bérishni cheklise qarshiliqqa we jazagha uchraydu. Shuningdek, bu shirket xitaygha masliship, Uyghur we tibetlerge öy ijare bérishni cheklise bumu kishilik hoquqqa tajawuz qilghanliq bolidu, bu shirketning xitayda olimpék musabiqisi ötküzüshige yardem bergini emeliyette xitayning jinayitini qollighini. Kishilik hoquq teshkilatliri buni dawamliq eyblishi kérek.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet