Мәмәтнияз ака-укилар йеңи өйгә көчмигәнлики үчүн қарақум түрмисидә тәрбийиләнмәктә

Мухбиримиз шөһрәт һошур
2017-05-17
Share

Йәкәнниң томөстәң йеза ишләмчи кәнт секретариниң ашкарилишичә, кәнттики мәмәтнияз һәсән вә маһмутнияз һәсән ака-укилар һөкүмәт тәрипидин селинған йәр тәврәшкә чидамлиқ йеңи өйләргә дәрһал көчмигәнлики үчүн, диний әсәбийлик гумани билән тутуп тәкшүрүлүп 2 айлиқ сиясий тәрбийиләшкә мәһкум қилинған.

28 Вә 32 яш болған бу ака-укилар нөвәттә, йәкәнниң қарақум түрмисидә «тәрбийә» ләнмәктә.

Секретарниң дейишичә, даириләр ишләмчи кәнттики аһалиләр үчүн бир йүрүш йәр тәврәшкә чидамлиқ бина өй селип бәргән вә хираҗитиниң бир қисмини һөкүмәт, бир қисмини аһалиләр өз үстигә алған. Әмма, бина өйләр аһалиләрниң чарва бақмичилиқ вә көктатчилиқ ишлириға әпсиз болғанлиқи үчүн, бир қисим аһалиләр йеңи өйләргә көчүшни рәт қилған.

Уйғур районидики бир адвокатлар торида бултур елан қилинған «диний әсәбийликниң 75 хил аламити» намлиқ қолланмида, дөләтниң ярдәмлирини қобул қилмаслиқму әсәбийлик дәп бекитилгән иди.

Томостәңдики сақчилар мәмәтнияз ака-укиларниң йеңи өйгә көчмәсликини сиясий мәсилә дәп қариған, әмма бу ака-укиларниң дадиси мухбиримиз билән сөзләшкәндә, оғуллириниң пәқәт турмуш қатилаңчилиқида йеңи өйгә вақтида көчәлмигәнликини ейтқан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт