Memetniyaz aka-ukilar yéngi öyge köchmigenliki üchün qaraqum türmiside terbiyilenmekte

Yekenning tom'östeng yéza ishlemchi kent sékrétarining ashkarilishiche, kenttiki memetniyaz hesen we mahmutniyaz hesen aka-ukilar hökümet teripidin sélin'ghan yer tewreshke chidamliq yéngi öylerge derhal köchmigenliki üchün, diniy esebiylik gumani bilen tutup tekshürülüp 2 ayliq siyasiy terbiyileshke mehkum qilin'ghan.

28 We 32 yash bolghan bu aka-ukilar nöwette, yekenning qaraqum türmiside "Terbiye" lenmekte.

Sékrétarning déyishiche, da'iriler ishlemchi kenttiki ahaliler üchün bir yürüsh yer tewreshke chidamliq bina öy sélip bergen we xirajitining bir qismini hökümet, bir qismini ahaliler öz üstige alghan. Emma, bina öyler ahalilerning charwa baqmichiliq we köktatchiliq ishlirigha epsiz bolghanliqi üchün, bir qisim ahaliler yéngi öylerge köchüshni ret qilghan.

Uyghur rayonidiki bir adwokatlar torida bultur élan qilin'ghan "Diniy esebiylikning 75 xil alamiti" namliq qollanmida, döletning yardemlirini qobul qilmasliqmu esebiylik dep békitilgen idi.

Tom'ostengdiki saqchilar memetniyaz aka-ukilarning yéngi öyge köchmeslikini siyasiy mesile dep qarighan, emma bu aka-ukilarning dadisi muxbirimiz bilen sözleshkende, oghullirining peqet turmush qatilangchiliqida yéngi öyge waqtida köchelmigenlikini éytqan.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar