Bu yil Uyghur élide 130 ming oqughuchi aliy mekteplerge qobul qilindi

Muxbirimiz ümidwar
2015.09.06


Uyghur élidiki bu yilliq aliy mekteplerge oqughuchi qobul qilish xizmiti axirliship, bu yil 130 ming 700 oqughuchining ichkiri ölkilerdiki we Uyghur aptonom rayonidiki aliy mekteplerge qobul qilin'ghanliqi élan qilindi.

Xitayning tengritagh, shinjang uchur tori qatarliq her qaysi xewer menbeliridiki uchurlardin melum bolushiche, Uyghur aptonom rayoni ma'arip da'iriliri bu yilqi aliy mekteplerge oqughuchi qobul qilish nisbitining aldinqi yillardikidin yuqiri bolghanliqi, yeni 81.41% Ke yetkenlikini bildürdi.

Xewerlerdin melum bolushiche,2015 - yili, toluq kurs türkümide 71 ming 400 oqughuchi, aliy kespiy ma'arip (mexsus kurs) türkümide 59 ming 300 oqughuchi qobul qilin'ghan.

Melum bolushiche, bu yil Uyghur aptonom rayoni boyiche jemiy 160 mingdin artuq oqughuchi aliy mekteplerge kirish imtihanigha tizimlatqan iken.

Lékin, xitay metbu'atliri bu yil aliy mekteplerge oqughuchi qobul qilish nisbitining aldinqi yildikidin yuqiri bolghanliqini tushmu - tushtin xewer qilghan bolsimu, emma bu xewerlerde qobul qilin'ghan oqughuchilarning milliy nisbiti, yeni az sanliq milletlerning nisbiti, Uyghur aptonom rayonidiki eng köp nopusluq,aptonomiye hoquqi yürgüzgüchi millet süpitde étirap qilin'ghan Uyghurlar bilen xitay oqughuchilarning nisbet perqi heqqide reqem körülmidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.