Даңлиқ уйғур сәнәткари алматада нахша кечилики өткүзүши диққәт қозғиди

Мухбиримиз үмидвар
2016-10-30
Share

Уйғур дияриға вә оттура асиядики уйғур җамаитигә кәң тонулған мөминҗан абликим қатарлиқ сәнәткарлар йеқинда алматида нахша - музика кәчлики өткүзүшкә тәйярлиниватқан болуп, уларниң болғуси консертлири һәққидә қазақистанда тарқитилидиған рус вә уйғур тиллиридики иҗтимаий аммиви торлиридин "пәрваз", "доппа"вә башқиларда сүрәтлик елан - сәнәтлири берилишкә башлиған.

Сүрәтлик еланлардин мәлум болушичә, мөминҗан абликим қатарлиқларниң нахша кечилики 22 - ноябир күни қазақистанниң алмата шәһиридики әң чоң заллардин бири "җумһурийәт сарийи"да өткүзүлидиған болуп, һазирдин башлап җиддий беләт сетилишқа башлиған.

Мәлум болушичә, мөминҗан илгириму бир қанчә қетим алматадики җумһурийәт сарийида уйғур нахшилирини орундап, қазақистан уйғурлириниң юқири алқишиға еришкән иди.

Алматадики бир қисим уйғур зиялийлириниң ейтишичә, нөвәттә қазақистандики уйғурлар сәнәт вә мәдәнийәт җәһәттә өзлириниң тарихи ана вәтини - йәни уйғур дияри билән болған мунасивәтни қоюқлаштурушқа интиливатқан болуп, уйғур яшлири арисида өз миллий мәдәнийити, тили вә сәнитигә болған қизиқиш алаһидә өсмәктә икән. Шу сәвәбтин қазақистандики уйғур яш сәнәткарлири арисида үрүмчидә өткүзүлүватқан йипәк йоли садаси намлиқ нахша - музика мусабиқисигә қатнишип талантини намаян қилиш қизғинлиқиму қозғалған икән.

Чәтәлләрдики уйғур көзәткүчилириниң қаришичә, йеқинқи йиллардин буян хитай даирилири уйғур сәнәткарлирини һәр қайси мәмликәтләргә әвәтип, сәнәт фестиваллирини өткүзүп, уйғур дияриниң "милләтләр иттипақлиқи"вә "муқим мәнзириси"ни тәшвиқ қилишниму күчәйтмәктә икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт