Altay tamozhnisi jéminey chégra ötkilide zor miqdardiki etkes altunlarni qolgha chüshürgen

Muxbirimiz ümidwar
2016-06-09
Share

Ürümchi tamozhnisigha tewe altay tamozhnisi altay wilayiti bilen qazaqistan chégrisidiki jéminey chégra éghizida zor miqdardiki etkes altunlarni qolgha chüshürgen.

Shinxu'a agéntliqining ashkarilishiche, qolgha chüshürülgen etkes altunning miqdari 6 ming 350 gram bolup, xelq puligha sundurghanda uning qimmiti bir milyon 460 ming somgha toghra kélidiken.

Xewerde mezkur etkes altunlarni yötkigen gumandarning kimliki we dölet teweliki heqqide uchur bérilmigen bolsimu, emma mezkur altunlarning xelq'araliq yoluchilar aptobusi jéminey chégra éghizining aptomobillarni tekshürüsh ötkilige kirgende qolgha chüshürülgenliki éytilghan.

Xewerdin melum bolushiche, xitay tamozhna xadimliri 4 - iyun küni yuqiri téxnikiliq h986 tipliq téz sü'ertte tekshürüsh üskünisi arqiliq aptobusni tekshürüp, aptobusta gheyri nerse barliqini bayqighandin kéyin, aptobusni axturup, sekkiz dane altun'gha oxshash métalni qolgha chüshürgen, aptonom rayonluq kan mehsulatlirini tekshürüp békitish orginining éniqlishi netijiside mezkur métallarning altun miqdarining 90% tin yuqiri sap altun ikenlikini békitilgen.

Bu, ürümchi tamozhna da'irilirining bu yil ichide pash qilghan eng zor altun etkeschilik weqesi hésablinidiken.

Melum bolushiche, xitayning Uyghur aptonom rayonining etraptiki döletler bilen 15 quruqluq chégra ötkili, ikki hawa yoli chégra ötkili bar bolup, nöwette mezkur chégra ötkelliridiki bixeterlik we tekshürüsh tedbirlirining yuqiri derijide kücheytilgenliki melum.

Xitay axbarat wasitilirining xewerliridin melum bolushiche, ürümchi tamozhnisi ene shundaq bixeterlikni téximu kücheytish üchün bu yil "Dölet derwazidiki shemsher - 2016 - yili" namliq mexsus birleshme heriket bashlighan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet