Altuntagh tebi'iy muhapizet rayoni bulghan'ghan

Muxbirimiz jüme
2017-12-09
Élxet
Pikir
Share
Print

Melum bolushiche, qalaymiqan kan échish Uyghur élidiki altuntagh tebi'iy muhapizet rayonining ékologiyilik muhitini bulghiwetken. Netijide xitay da'iriliri bu rayonning ékologiyesini eslige keltürüsh üchün herxil turidiki kanlardin 69 ni taqighan.

"Yershari waqit géziti" ning xewer qilishiche, 46. 800 Kwadrat kilométir chongluqtiki bu tebi'iy qoghdilidighan rayonda kan échish pütünley men'i qilin'ghan. 

Teklimakan qumluqining jenubiy girwikige tutishidighan altuntagh tebi'iy muhapizet rayoni chaqiliq nahiyisige tewe bolup, chingxey we tibet égizliki bilen chégrilinidu. 

Melumatlargha qarighanda, bu rayonda yawa qotaz, yawa éshek, tibet bökini qatarliq qoghdilidighan haywanlar, qoshlar bolup 300 xildin artuq yawayi haywanlar makanlashqan iken.

Xitay da'iriliri mezkur rayonni 1986-yili "Dölet derijilik tebi'iy muhapizet rayoni" dep en'ge alghan. 

Halbuki, bu rayondiki qalaymiqan kan échish rayonning ékologiyesige éghir buzghunchiliq salghan. 

Xewerde mundaq körsitilgen: "Halbuki, bu taghlardiki altun qatarliqlarni öz ichige alghan mol bayliq menbeliri seweblik bu yerge échilghan kan we qurulushlar rayon muhitni éghir derijide halsiratqan idi."

Xewerge qarighanda, muhapizet rayondiki qanunsiz qurulush we bashqilar 2020-yilighiche chéqilip bolinidiken. 

Charshenbe küni xitay axbaratliri baghrash köli ékologiyesining bulghan'ghanliqigha a'it bir xewerni ashkarilighan.

Shinxu'a axbarati bu heqtiki xewiride, zawut-karxanilarning baghrash kölining etrapidiki 600 ming mo qomushluqning üchtin bir qismining qurup kétishige we baghrash kölining süyining bulghinishigha seweb bolghanliqini étirap qilghan idi.

Toluq bet