Хитай алтунтағни тешип өтидиған төмүрйол тонилини җиддий қазмақтикән

Мухбиримиз қутлан
2018-02-17
Share

Чақилиқ наһийилик һөкүмәт ториниң хәвиригә қариғанда, хитай нөвәттә чиңхәй өлкисиниң голмуд шәһиридин башлинип көкнор-тибәт егизликини бойлап уйғур елидики алтунтағни тешип өтидиған төмүрйол тонилини җиддий түрдә қезишқа башлиған.

Хәвәрдә дейилишичә, 10-феврал күни голмод-корла төмүрйолини ясаш қурулушиниң уйғур аптоном райони тәвәсидики йол ясаш әтрити алтун тағни тешип өтидиған төмүрйол тонилиниң 5600 метирлиқ қисмини қезип болған. Игилинишичә, алтунтағни тешип өтидиған бу төмүрйол тонили пүтүн линийәдики әң узун тонил һесаблинидикән.

Әгәр бу төмүрйол линийиси пүтүп қатнаш башланса хитай өлкилиридин уйғур дияриға тутушидиған йәнә бир төмүрйол линийиси ечилидикән. 

Хитай һөкүмити “бир бәлвағ, бир йол” истратегийисини башлиғандин буян уйғур диярини оттура асия вә җәнубий асия иккинчи қуруқлуқиға өтүштики истратегийилик бәлвағқа айландурушни пиланлиған. 

Көзәткүчиләрниң илгири сүрүшичә, голмодтин башлинип уйғур дияриниң хотән вә корла шәһәрлиригә тутушидиған бу төмүрйол линийиси тарим ойманлиқидин хитай өлкилиригә тошулидиған хам әшя, нефит вә тәбиий газ миқдарини һәссиләп ашурупла қалмай, әң муһими “хитай-пакистан иқтисадий каридори” ниң қатнаш раванлиқини йәниму илгири сүридикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт